Loading...
HomeMy WebLinkAboutEditionEdina_November-2024-Somali_WebMashruuca Vernon Avenue iyo Highway 100 Ayaa Loo Qorsheeyay inuu Bilowdo Janaayo 2025 Mashruuca Wadajirka Ah Ayaa Hagaajino Ku Aadan Badbaadada Ka Sii Wada Degmada Grandview Mashruuc waddo oo ku kacaya $27 milyan oo ku dhawaad sanad qaadanaya oo laga dhisayo Degmada Grandview, oo ay isku dubarideen Magaalada Edina, Hennepin County iyo Waaxda Gaadiidka ee Minnesota (MnDOT), ayaa loo qorsheeyay inuu bilowdo Janaayo 2025. Marka la dulmaro, mashruuca waxaa ka mid ah labo buundo cusub oo laga dhisayo Vernon Avenue, mid laga dul dhisayo wadada tareenka ee Canadian Pacific iyo mid labaad oo laga dul dhisayo Minnesota Highway 100. Mashruucu wuxuu sidoo kale hagaajinayaa isgoysyada u dhow wuxuuna meesha ka saarayaa dallacaadaha lagu fuulo wadada Highway 100 ee aan loo baahnayn iyadoo la doorbidayo isgoyska isdulmarka ee qaabka dheemanka ah ee caadiga ah, oo ay ku jiraan ka saaridda dallacaadaha dhanka waqooyi looga soo fuulo loogana dagto wadada Grange Road. Tani waxay sii wadaysaa shaqada degmada laga qabtay dhowrki sano ee la soo dhaafay si loo hagaajiyo badbaadada iyo isu-socodka dhammaan adeegsadayaasha oo si wanaagsanna la isugu xiro goobaha la deggan yahay iyo goobaha ganacsiga. “Mashruucani waxaa ka mid ah hagaajinnada badbaadada ee dadka lugeynaya iyo gawaarida labadaba kuwaas oo lagu aqoonsaday dukumiintiyo badan oo ah hiigsiga Degmada Grandview,” ayuu yiri Agaasimaha Injineerinka Chad Millner. “Waxay dhalisay dareen dhaqaale in iyaga oo dhan lagu dhiso hal sano, marka loo barbardhigo in lagu dhiso labo sano. Waxaa jira saameyno yar oo dadweynaha ku safraya ka soo gaaraya in mashruuca lagu dhiso hal sano marka loo barbardhigo in lagu dhiso labo xilli oo kala duwan oo dhismo ah.” Waa maxay jadwalka waqtiga? Waqtigan la daabacayo warka, shaqada weyn ayaa la filayaa inay bilaabato Janaayo, iyadoo ku xiran bixinta qandaraaska adeegyada iyo dhammeystirka heshiiska Canadian Pacific Railway. Hawlo yaryar sida guridda geedaha, ayaa bilaaban kara goorhore, balse ma keeni doonaan in wadooyinka la xiro. Yoolku wuxuu yahay in wax kasta dib loo furo ugu dambeyn Nofeembar 2025. Sidee ayay tani u saamaynaysaa safarka aagga? Kani waa mashruuc dhismo oo weyn oo ka kooban dhowr waji, isbedello gaadiid iyo xiritaanno waddo. Dadka safraya waa in ay ka sii tabaabusheystaan dib u dhacyada iyo mashquulka gaadiidka. Ma jiraan gaadiid sii gudbaya oo loo oggolaan doono aagga shaqada ee Vernon Avenue iyo West 50th Street inta uu socdo mashruuca, balse mashruuca wuxuu lahaan doonaa wejiyo si loo oggolaado inay furnaadaan wadooyinka soo gala Highway 100 inta lagu jiro qayb ka mid ah mashruuca. Calaamado ayaa lagu dhejin doonaa si loogu oggolaado marin-u-helka ganacsiyada maxalliga ah ee Vernon. Magaalada waxay ka soo saari doontaa warar inta uu socdo mashruuca marka ay jiraan isbeddelo taraafikada ah. Maxaa isbedello ah oo la sameynayaa? Arcadia Avenue •Ku kordhinta dhabbayaasha lugeynta dhinaca wadada oo 10-fiit-ballac ah iyo meelaha joogga sare oo u hoggaansan xeerka naafada ee ADA •Nalal waddo oo cusub Highway 100 •Ka saaridda dallacaadaha laga soo galo loogana baxo iyo abuurista isgoys la isdulmaro oo isu dhow oo qaabka dheemanka ah •Darbi cusub oo sawaxanka yareeya oo ku teedsan dallacaada laga soo galo dhanka waqooyi Interlachen Boulevard iyo Gus Young •Ku kordhinta dhabbayaasha lugeynta dhinaca wadada oo 10-fiit-ballac ah iyo meelaha joogga sare oo u hoggaansan xeerka naafada ee ADA •Seedad cusub oo u leexashada dhanka bidixe ah •Nal taraafiko oo cusub oo leh meelo sameecad leh oo laga gudbo wadada oo u hoggaansan xeerka naafada ee ADA •Albaab cusub oo u hoggaansan xeerka naafada ADA oo laga galo Edina Liquor Vernon iyo 50aad Labo buundo oo cusub: 1. Buundada cusub ee Vernon Avenue oo la ballaariyo korna loo qaado si loo buuxiyo shuruudaha joogga wadada tareenka 2. Buundo Highway 100 oo cusub oo boos u abuurta hogaajinnada hoose: •Dhabbayaasha lugeynta dhinaca wadada oo 10-fiit-ballac ah iyo meelaha joogga sare oo u hoggaansan xeerka naafada ee ADA •Meelo badbaado ah oo ay wadada ka istaagaan dadka lugeynaya •Labo seed cusub oo dhanka bidixe u leexanaya ee labada jiho bari iyo galbeed •Nalal taraafiko oo cusub oo leh meelo sameecad leh oo laga gudbo wadada oo u hoggaansan xeerka naafada ee ADA Qaabkee ayay Magaaladu u bixinaysaa kharashka mashruucan? Wadarta kharashka uu ku kacayo mashruuca waxaa lagu qiyaasayaa in uu yahay ku dhawaad $27.46 milyan, kaas oo ay wadaagi doonaan Magaalada Edina, Hennepin County iyo Waaxda MnDOT. Qeybta ku aadayso Magaalada waa ku dhawaad $15.47 milyan oo lagu daboolayo maalgelinta federaalka oo durba gacanta lagu hayo. Qorshe lagu maalgelinayo baaqiga haray ayaa la dejiyay. Wixii macluumaad dheeraad ah, kala xiriir Millner, 952-826-0318 ama cmillner@EdinaMN.gov. La soco wararkii ugu dambeeyaya ee mashruuca adigoo booqanaya Bit.ly/VernonProject. - WAXA QORAY BRITTANY BADER Nidaam Cusub oo Calaamadaha Taraafikada iyo Meel Ay Dadka Ka Gooyaan Wadada Nidaam Cusub oo Calaamadaha Taraafikada iyo Meel Ay Dadka Ka Gooyaan Wadada Meelo Badbaado Ah Oo Ay Wadada Ka Istaagaan Dadka Lugeynaya Darbi Cusub oo Qabta Sawaxanka In t e r l a c h e n B l v d . Gus Y o u n g L n Arcadia Ave. 50th S t . Hwy 100 Vernon Av e . W . Wadada tareenka Nidaam cusub oo Isgoyska isdulmarka Highway ah Hwy 100 In t e r l a c h e n B o u l e v a r d W. 50t h S t r e e t Traffic medianStreets Wide sidewalks New bridges Gus Y o u n g Lan e Vernon Aven u e Removed Hwy 100 rampsArcadia AvenueNew n o i s e w a l l New highway interchange system Railroad Pedestrian refuge islan d New Traffic Signal System and Crosswalks New Tr a f f i c Signal S y s t e m and Cr o s s w a l k s Wadooyinka Kala-Xadaynta Gaadiidka Dhabbaayal Dhinaca Wada ah oo Ballaaran Buundooyin cusub Dallacaadaha soo gala wadada Hwy 100 ee la saarayinka MAJALADDA BISHA DIB-U-WARSHADAYNTA QARANKA EE GAARKA AH NOFEEMBAR 2024 Majalada 11, Qeybta 11Aasaaska XooganHIMILOOYINKA MAGAALADA Ku wanaagsan wadajirkaAdeeg La isku halayn karo Magaalo lagu Noolaan karo Daabacaad: Edina Magaalada Edina EdinaMN.gov 1 Iyadoo looga jawaabayo jawaab-celinta laga helay dadka deegaanka, miisaaniyadda $206 milyan la soo jeediyay ee Magaalada ee 2025 waxay mudnaanta siinaysaa maalgelino xooggan oo lagu sameeyo badbaadada dadweynaha iyadoo isla markaana la joogteynayo adeegyo heer sare ah oo laga fuliyo dhammaan waaxaha Magaalada. Miisaaniyadda waxaa ka mid ah canshuur soo rogis la soo jeediyay oo dhan $61.5 milyan, oo 13.14% ka badan 2024. Guriga qiimaha dhexdhexaadka ah ku qiimaysan ee $712,300, waxay saameyntu noqonaysaa koror dhan $24 bishiiba. Qeybta xusidda mudan ee kororka canshuur soo rogista la soo jeediyay ayaa ah in 5.46% si gaar ah loogu maalgelinayo ballaarinta adeegyada badbaadada dadweynaha. “Kororka canshuur soo rogista waxaa ka mid ah deyn bixinta koowaad ee Saldhiga Dabdemiska 2aad ee Cusub. Marka saldhigga la furo, wuxuu kor u qaadayaa waqtiyada ka jawaab-bixinta xaaladaha degdegga ah ee mid ka mid ah meelaha aadka dadku ugu badan yahay ee magaalada. Ballaarinta adeegyada waxaa sidoo kale ka mid ah ku kordhinta sagaal xubnood oo shaqaale ah oo cusub inta u dhaxaysa ka jawaabista xaaladaha caafimaadka ee degdegga ah iyo sharci fulinta,” ayay tiri Agaasimaha Maaliyadda Pa Thao. 7.68% kale waxay dabooli doonaan kharashaadka hawlgallada Magaalada oo dhan, waxay maalgelin doonaan mashaariicaha Qorshaha Horumarinta Raasamaalka, waxay taageeri doonaan Canshuur Rogista Gaarka ah ee Wadooyinka, waxayna cusbooneysiin doonaan xeerarka soono samaynta. Wixii macluumaad dheeraad ah oo ku saabsan miisaaniyada Magaalada, Thao kala xiriir pthao@EdinaMN.gov ama booqo EdinaMN.gov/Finance. - WAXA QORAY BRITTANY BADER Qodobada Miisaaniyada 2025 ee Lasoo Jeediyey Badbaadada Dadweynaha •Qorshaynta dayn bixinta koowaad ee Saldhigga Dabdemiska 2aad ee cusub ee sida aadka ah loo sugayo ee ku yaalla 4401 W. 76th St., ee loo muddeeyay in la furo jiilaalka 2025 •Ku kordhinta lix Shaqaale Gargaarka Degdega ah/Dabdemiyaal kuwaasoo qeyb ka noqon doona Waaxda Dabdemiska Edina kana hawlgalaya Saldhiga Dabdemiska 2aad ee cusub •Ku kordhinta saddex Saraakiil Boolis oo cusub si loo xaqiijiyo badqabka dadweynaha, shuruucda loo hirgaliyo, loo baadho dambiyada oo si wanaagsan looga jawaabo dhibaatooyinka caafimaadka dhimirka •Ku kordhinta hal Isku-duwe Xarun oo ka hawlgala gudaha Waaxda Maddaadalada & Goobaha Nasashada si loo wanaajiyo badqabka oo si fiican looga jawaabo waxyaabaha bulshada dhibaya inta lagu jiro munaasabadaha maddaadalada Guud Ahaan •Daboolista kharashaadka hawlgallada kordhaya ee dhinacyada sida mushaharka iyo gunnooyinka shaqaalaha, tamarta, maaraynta khataraha, tiknoolajiyadda, qalabka iyo kharashaadka baabuurta •Ka go’naanshaha sii socda ee lagu joogteynayo adeegyada tayada sare ee Magaalada kuwaasoo loo dejiyay Edina, sida dayactirka beeraha nasashada, dayactirka waddooyinka, baraf xaaqista, ilaalinta deegaanka, kaqeybgelinta bulshada, qiimeynta, isgaarsiinta, dayactirka gaadiidka, xaaqista waddooyinka iyo qaar kaloo badan •Hagaajinta adeegsiga iyo u dhannaanshaha xarumaha Magaalada iyadoo la hagaajinayo dhabbayaasha laguna kordhinayo albaabada tooska isku fura, goobo la heli karo oo ay ka dabaystaan baabuurta korontada ku shaqeeya, suuliyada ay cid kasta isticmaali karto iyo horumarinada ADA •Tar-tartiib u kordhinta Canshuur Rogista Gaarka ah ee Waddooyinka sida loo qorsheeyay, sii wadista kala-guurka maalgelinta dib u dhiska waddooyinka oo laga soo wareejinayo qiimeynta gaarka ah loona wareejinayo canshuuraha guryaha marka la gaaro sanadka 2036 •Maalgelin u qoondeynta cusboonaysiimaha sharciyada isticmaalka dhulka Magaalada oo qeyb ka ah cusboonaysiinta Qorshaha Dhammeystiran ee MagaaladaSababaha loosoo Jeediyay Kordhinta Canshuur Soo Rogitsa Miisaaniyadda La Soo Jeediyay 2025 ee Magaalada Waxay Mudnaanta Siinaysaa Badbaadada Dadweynaha Golaha Deegaanka Edina Waxay Miisaaniyadda Go’aamin Doonaan Diseembar Fursadaha Faallooyinka Dadweynaha ee Miisaaniyada La Soo Jeediyay Golaha Magaaladu wuxuu go’aan kaga gaadhi doonaa kulanka miisaaniyada ee dhacaya Diseembar 3 ama Diseembar 17. Talada dadweynaha ee ku saabsan miisaaniyadda la soojeediyay iyo canshuur soo rogista waxaa taladaas Golaha Deegaanka lagu siin karaa siyaabo kala duwan, oo ay ku jiraan onlaynka, farriin cod ahaan ah ama iyada oo laga qeybgalayo dhageysiga dadweynaha ee la qaban doono 7 p.m. Talaado, Diseembar 3, lagu qabanayo City Hall Council Chambers, 4801 W. 50th St. Faallooyinka oo dhan ayaa dib-u-eegis lagu sameeyaa lana tixgeliyaa; uma baahnid in aad uga qeybqaadato wax ka badan hal qaab. Faahfaahinnada ku saabsan sida looga qeybqaato waxaa laga heli karaa barta BetterTogetherEdina.org/2025-Budget. Saldhiga Dabdemiska 2aad ee Cusub, ee laga dhisayo West 76th Street, waa mid ka mid ah meelaha mudnaanta lagu siinayo miisaaniyada 2025 ee badbaadada dadweynaha. (Sawirka Dan Carpenter) 0.5% Warbixinta Qorshaha Dhammeystiran 0.5% Isbaddelka Qiimeynta Siyaasadda Waddada 0.8% Korodhka Qalabka & Maaliyada 2% 0% 4% 6% 8% 10% 12% 14% 2% Boosaska Shaqooyinka Cusub ee Badqabka Dadweynaha 3.5% Adeega Daynta Lagu Dhisay Saldhiga Dabdemiska Cusub 2 5.9% Korodhka Asaasiga ah ee Kharashaadka Hawlaha Guud 2 Shaqaale Gargaarka Degdegga/Dabdemiye Tom Hegge ayaa bacaha dib loo isticmaali karo ee Waaxda Dabdemiska Edina la yimid safar uu uga dukaameysanayo Cub Foods. (Sawirka waxaa qaaday Travis Jacobs) Xubin Gole Deegaan Carolyn Jackson, Xidigle Boolis Jake Heckert, Maareeyaha Magaalada Scott Neal, Duqa Magaalada Jim Hovland, Taliyaha Booliska Todd Milburn iyo Xidigle Boolis Ryan Schultz ayaa ka mid ahaa saraakiisha Edina si ay ugu dabaaldegaan dhagax-dhigga dhisme cusub oo taatiko ah oo laga dhisayo Xarunta Tababarka Badqabka Dadweynaha ee South Metro. (Sawirka Jennifer Bennerotte) WAXAA QORTAY GIOVANNA CONTRERAS Inta u dhaxaysa wicitaanada xaaladda degdegga ah, xubnaha Waaxda Dabdemiska Edina waxay waqti maalin kasta ku bixiyaan inay nadiifiyaan baabuurta dabdemiska, dhammeystirka tababarrada … iyo sameynta liiska adeegga raashinka. Wadaagista cashada ayaa udub-dhexaad u ah dhaqanka Waaxda Dabdamiska Edina, taasoo kobcinaysa cilaaqaadka qotoda dheer ee u dhexeeya. Gelin kasta oo shaqo waxaa adeeg raashin laga doonaa dukaanka raashinka. “Waxaan haysanaa cunto kariyayaal cunto macaan, waxaana noqon karnaa kuwo cuno cuntada xilli kasta soo go’da,” ayay tiri Shaqaale Gargaar Degdeg/Dabdemiye Megan Bates. “Tusaale ahaan, xilliga xagaaga, waxaan cunnaa cunto fudud oo fareesh ah. Cuntada loo yaqaano Poke bowls ayaa caan ahayd sanadkan. Waxaan sidoo kale dhawaan ku guuleysanay tartanka basbaas karinta waxaa ku mahadsan Gelinka C” “Cuntadayda ugu macaan sanadkan waxay ahayd Venison Osso Buco ee uu kariyo Captain Tyler Ball,” ayuu yiri Shaqaale Gargaar Degdeg/Dabdemiye Tom Hegge. Xubnaha Waaxda Dabdamiska ayaa tilmaamay in ay isticmaaleen ilaa 2,000 oo bac ah sannadkii si ay uga soo adeegtaan dukaamada waaweyn. Magaalada Edina iyo mulkiilayaasha kale ee Xarunta Badbaadada Dadweynaha ee Koonfurta Metro (SMPSTF) ayaa dhawaan u dabaaldegay bilowga dhismaha cusub ee tababarka taatikada ee halkaas. Xafladda dhagax-dhigga ayaa lagu qabtay goobta ku taasha 7525 Braemar Blvd. marki ay ahayd Oktoobar 15. Dhismo 6,524-cag oo laba jibaaran oo cusub, oo L-u eg ayaa laga dhisi doonaa dhanka koonfureed ee dhismaha oo gees kasta ku leh albaab si loogu tababaro Booliska. Inta badan wuxuu noqon doonaa mid la siman heerka dhulka, balse dhismuhu wuxuu lahaan doonaa barxad hoos looga gudbo oo leh jaraanjarooyin badan oo loogu talagalay xaaladaha tababarka oo ay ku jiraan heerka labaad. Saddex gaari ayaa awoodi doona inay halmar wada maraan oo uu ku filnaado dhismaha, taasoo ay anfaceyso tababarka bilaha qaboobaha. Dhismaha tababarka waxaa adeegsan doona wakaaladaha iska leh xarunta: Edina, Bloomington, Eden Prairie iyo Guddiga Garoomada Diyaaradaha. Wakaaladaha kale ee maxalliga iyo kuwa federaalka waxay awoodi doonaan inay kireystaan xarunta cusub iyagoo bixinaya khidmad saacadle ah. Inta badan noocyada tababarka waxaa lagu qaban doonaa dhismaha dhexdiisa, oo ay ku jiraan baaritaanada dhismaha, farsamooyinka xoog- adeegsiga iyo dhaqangelinta taraafikada. Ma jiraan wax rasaas nool oo lagu isticmaali doono xarunta; kaliya qoryo dheemish ah ayaa lagu Waxay rabeen in ay yareeyaan qashinka bacda, marka waxay u beddesheen bacaha xaashiyaha ah markasta oo ay suurtagal tahay. Marki khidmadda laga qaado bacda wax lagu qaato ee Magaalada ay dhaqangashay bishi Juulaay 1, waxay rabeen in ay tallaabo dheeraad ah qaadaan. “Marka dadka deegaanka ay u doodayaan meelmarinta siyaasadaha, waxaan isku daynaa inta karaankeenna ah si aan u garab istaagno,” ayay tiri Bates. Tan iyo Juulaay, Dabdemiska Edina ayaa lahaa bacahooda dib loo isticmaali karo oo u gaar ah. Marki hore, waxaa ku adkeyd in ay xusuustaan in ay la yimaadaan bacaha. Waxay arrintan ku xalliyeen iyagoo bacaha ku keydinaya qeybta dhexe ee wax la gashado ee baabuurta dabdemiska. La imaanshaha bacaha dib loo isticmaali karo waa hab yar balse aad muhiim u ah oo ay shaqaalaha Waaxda Dabdemiska ay gacan uga geysanayaan bulshada Edina, ayuu yiri Hegge. “Xaggeena, waa gurigeena labaad. Waxaan ku nool nahay halkan (xarunta dabdemiska) saddex meelood meel ka mid ah nolosheena,” ayay tiri Bates. Wixi macluumaad dheeraad ah oo ku saabsan khidmadda bacda wax lagu qaato, booqo EdinaMN.gov/BagFee. Xubnaha Jecel Cuntada ee Waaxda Dabdamiska Edina Ayaa Beddelay Dhaqanka Raashinka Shaqaalaha Gargaarka Degdegga/Dabdemiyaasha Ayaa Ku Dhawaad 2,000 oo Baco Ah Sanad Walba Ka ilaaliya Inay Gaaraan Dhulka Dhismo Ayaa Lagu Bilaabayaa Dhismaha Tababarka Booliska ee Cusub isticmaali doonaa halkaas. Dhismaha waxaa kamid ahaan doona suuli iyo qolka farsamada. Waxaan ka ahayn labadaas qol, dhismuhu waxa uu yeelan doonaa goobo badan oo furan oo ay wakaaladuhu adeegsadaan. Dhismaha cusub ayaa la filayaa in la dhammeeyo wakhti ka mid ah wintarkan. 3Magaalada Edina EdinaMN.gov Dib-u-Warshadaynta Kaliya Waa Hal Tallaabo oo Lagu Yareynayo Qashinka Raac 5-taan R Si Aad u Yarayso Saameyntaada Qashinka iyo Deegaanka •Diid maacuunta caagga ah, baakooyinka waxyaabaha cuntada dhadhanka u yeela iyo tuubooyinka wax lagu cabo ee la socdo cuntada maqaaxiyaha laga qaato; isticmaal kuwo kuu gaar ah. •Diid alaabta bilaashka ah iyo sheeyaasha dhakhso ku dambayn doono qashin- qubka, sida kaararka ganacsiga ama alaabo- alaabaydasida dhakhsaha ah ku burburta. (Ka fikir shirarka iyo xafladaha dhalashada.) •Iska jooji boosto keenayaasha suuq-geynta ah iyo buug-yarayaasha aadan rabin. •Diid faashiyoonka degdega ah: Maya dheh iibsiyada kediska ah ee dharka qiimaha jaban, ee lagu daatay ee cimriga gaaban. •Diid baakadaha xad- dhaafka ah ee la socdo dalabyada onlaynka ah. Dooro tafaariiqleyda mudnaanta siiya baakadaynta deegaanka u roon ama ka codso in ay yareeyaan. Refuse (Diid) •Iibso kaliya waxa aad u baahan tahay. Qorshee cuntooyinka iyo safarrada dukaameysiga si aad isaga ilaaliso iibsiyada xad- dhaafka ah ee cuntada, dharka iyo alaabta guryaha ee laga yaabo in aan la isticmaalin. •Isticmaal cuntada soo harta, qabooji cuntada ka hor inta aysan hallaabin oo sheeyaasha u keydi si ku habboon si aad u dheereyso cimrigooda. •Diiradda saar soo iibsashada sheeyaasha dib loo warshadayn karo ama dib loo isticmaali karo. •Dami nalalka, waxyaabaha elektarooniga ah dabka ka bixi oo isticmaal qalabka- tashiila tamarta. •Qubeyska muddo gaaban ku qubeyso, hagaaji meelaha biyaha daadinaya oo xiro qalab tashiila biyaha. •Keenso alaabo tayo sare leh, oo waaraya si aad u yarayso inta jeer ee aad badalayso alaabo raqiis ama si xun loo sameeyay. Reduce (Yaree) •Marwalbo sido bacaha lagu dukaameysto, weelasha cuntada iyo caagadaha biyaha ee dib loo isticmaali karo si aad u yareyso alaabaha halka mar la isticmaalo. •Dib-u-isticmaal dhalooyinka lagu keeno suugada ama qajaarka la dhanaaniyay si aad ugu keydsato cuntada qalalan, cuntada soo harta ama xitaa in aad ku samaysato hawlaha sida shumacyada. •Isticmaal noocyada dib loo buuxin karo ee alaabaha badanaa la isticmaalo sida saabuunta, wasakh- bixiyayaasha ama sahayda wax lagu nadiifiyo si aad uga fogaato in aad si joogta ah u soo iibsato weelal cusub. •Xafladda ku qabso saxamada, koobabka, istiraashooyinka iyo maacuunta dib loo isticmaali karo. •Hagaaji elektarooniga jaban, dharka ama alaabta guriga beddelki aad tuuri lahayd oo aad soo iibsan lahayd kuwo cusub. •U isticmaal maryo in aad ku duubto hadiyadaha ama dib-u-isticmaal waraaqaha lagu keenay hadiyadihi hore beddelka kuwa halka mar lagu duubo hadiyadaha. Reuse (Dib- u-isticmaal) •Samayso weel aad ku qurmiso qashinka ama istcmaal barnaamijka qurminta qashinka ee Magaalada si aad u fogeyso qolfaha khudaarta, xuubabka miraha, miraha kafeega iyo qashinka kale ee cuntada. •Haddii dib-u- isticmaal uusan jirin, dooro sheeyaasha ay shahaadaysay BPI sida alaabada ay ciida cuni karto sida saxamaha, maacuunta iyo baakadaha, adigoo xaqiijinaya in laga sameeyay walxo dabiici ah oo ay caradu burburin karto. •Iska ilaali in alaabaha qurmi kara ay gaaraan qashin-qubka. Rot (Qurmi) •Soo iibso alaabaha ama baakadaha dib loo warshadayn karo ama dib loo isticmaali karo markasta oo aysuurtagal tahay. •Qashinka elektarooniga ah haku ridin qashinka dib-u- warshadaynta. •Qaad qashinka elektaroonigga ah, guluubyada nalalka, batariyada iyo daasadaha kareenka macmacaanka ay ka dhamaadeen oo gee xarunta dib-u-warshadaynta. (Ka eeg Bogga 7 si aad uga hesho kheyraadka iyo tas-hiilaadka dib-u-warshadaynta.) •Ku rid kaliya alaabaha aad hubto in laga oggol yahay weelka aad ku gurto qashinka dib-u-warshadaynta. Isticmaal hennepin.us/green-disposal- guide si aad uga ogaato waxa dib loo warshadayn karo. Marki aad wax ka shakido, iska tuur. Recycle (Dib- u-warshadee) WAXAA QORTAY LAUREN SIEBENALER Oraahda “waxkasta meel ayaa la geeyaa” waxay u adeegeysaa xusuusin fudud balse awood badan oo ah waxna waxa aan tuurno in aysan iska baabi’in. Shey kasta oo aan tuurno meel ayuu ku dambeeyaa. Haddii aan dib loo isticmaalin, meeshaasi badanaa waa qashin-qubka ama aalada qashinka lagu gubo. Shaqaalaha Jooga Qeybta Caafimaadka Dadweynaha ee Magaalada ayaa sheegay in fahmidda xaqiiqadan ay naga caawinayso in aan baarno sida dhaqamadeena shakhsi ahaaneed gacan uga geystaan dhibaatada weyn ee qashinka iyo waxa aan samayn karno si aan isbeddel u samayno. Waxay bixiyaan talooyinka soo socda. Yaree. Ka fakar in aad sheyga dhabtii ubaahan tahay inta aadan iibsan kahor. “Yaraynta qashinka waxay ka bilaabataa wax ka beddelka maskaxda. Ma aha in aad si weyn u bedesho qaab nololeedkaaga hal habeen, balse waxay tahay samaynta doorashooyin yaryar oo laga fikiray oo si wadajir ah saameyn weyn u leh,” ayay tiri Twila Singh, Isku Duwahaha Dib- u-warshadaynta Waxyaabaha Dabiiciga ah ee Magaalada Edina. Dib-u-isticmaal. Tixgeli in shey aadan u sii baahnayn u beddesho waxkale. Singh ayaa sheegtay in tallaabo kale oo muhiim ah ay tahay in loo qasdo waxa aan doorano in aan iibsano. Doorashada alaabaha dib loo isticmaali karo sida caagadaha biyaha, bacaha lagu dukaameysto iyo koobabka kafeega oo laga doorto kuwa kale ee halka mar la isticmaalo ay sidoo kale isbeddel weyn keeni karto. Qurminta waa ay fiican tahay, balse dib-u-isticmaalka ayaa had iyo jeer wanaagsan. Isbeddeladani waxay u muuqan karaan kuwo yar, balse marka loogu dhaqmo si joogta ah, waxay horseedi karaan in si weyn loo dhimo qashinka. Caddaynta midani ayaa laga arki karaa haamo kasta oo qashin oo yaala beeraha nasiinada Edina – ku dhawaad 70% oo ka mid ah caddadka qashinka ayaa badanaa ah weelasha halka mar la isticmaalo ee wax lagu cabbo, marka loo eego xisaabinta qashinka ee Singh. Dib-u-warshadee. Tixgeli in dib-u-warshadaynta habboon ay alaabtaada nolol cusub gelin karto oo ay yareyn karto walxaha qashinka lagu tuurayo. Sida uu Maraykanku sheegay Hay’adda Ilaalinta Deegaanka ee Mareykanka, dib-u-warshadaynta waxay sidoo kale yaraynaysaa baahida loo qabo soo saarista kheyraadka sida alwaaxa, biyaha iyo macdanta si looga sameeyo wax soo saar cusub. “Dib u warshadaynta waa hab sahlan oo faa’iido leh oo lagu dhimayo qashinka, laakiin sidoo kale waa muhiim in dib loo warshadeeyo si habboon,” ayay tiri Isku Duwaha Dib-u-Warshadaynta Solvei Wilmot. “’Rajaynta in dib loo warshadayn doono’ ayaa keeni karto inay wasakheeyaan waxyaabaha dib loo warshadayn karo, taasoo keeneyso in alaabaha ku jira haanta qashinka ay ciidoobaan oo qashinka lagu daro, ama ay ku dhagaan qalabka wax lagu kala sooco oo ay keenaan damitaan aan loo baahnayn. Marka, haddii aad wax ka shakido, iska tuur.” Singh ayaa sheegtay in had iyo jeer ay mudan tahay in la xasuusto in ficillada shakhsi ahaaneed ay dhiirigeliyaan isbeddel wadajir ah. “Marka aynu masuuliyad iska saarno qashinkeenna, waxaynu tusaale u noqonnaa kuwa kale inay ku daydaan,” ayay tiri. “Farriinta ugu saamaynta badan ee aan arkay waa deris ka deris. Bal qiyaas saameynta weyn ee ay yeelan karto haddii qofkasta oo deggan wadadaada uu bilaabo dib-u-warshadaynta qashinkiisa dabiiciga ah.” Si aad u hesho macluumaad dheeraad ah iyo kheyraadka ku saabsan yareynta qashinka, booqo EdinaMN.gov/Recycling. Waxkasta meel ayaa la geeyaa: Qaado Mas’uuliyadda Dariiqa Qashinkaaga U Laadida Daasada Xagga Wadada Waxay Kaliya Dhibaatooyin u Keeneysaa Dadka Kale 4 Xeerarka Ciyaarta Bingo Buuxi mid ka mid ah qaababka soo socda si aad ugu qalanto abaalmarin: •Xariiq jiifa (jiif u tax kasta) •Xariiq taagan (joog u tax kasta) •Xariiq dadban (gees ilaa gees) •Afarta gees •Kaarka buuxa (dhammaan dabool) Kaararka bingo waa in la soo celiyaa ugu dambayn 4:30 p.m. Isniin, Janaayo 6, 2025. Kaararka waxaa lagu soo celin karaa mid ka mid ah saddexdaan siyaabood ee soo socda: 1. Kaararka waraaqaha waxaa la keeni karaa Saldhigga Dabdemiska 1aad, 6250 Tracy Ave. Waxaa jira sanduuq lagu rido oo yaalla hoolka laga soo galo oo u dhow daaqadda adeegga. 2. Kaararka warqadda ah waxaa la keeni karaa Xarunta Waayeelada Edina, 5280 Grandview Square. Waxaa jira sanduuq yaalla hoolka laga soo galo oo dulsaaran qeybta lagala baxo bacda qurminta. 3. Onlaynka ka gudbi barta EdinaMN.gov/Bingo. Da’ kasta waa lagu soo dhaweynayaa in ay kaqeybqaataan. Dhammaan kaararka la gudbinayo waa in ay ka kooban yihiin magac iyo taleefan lambar ama ciwaan iimayl. Fadlan u qor si qurxan! Boqol kaar ayaa loo dooran doonaa si bakhtiyo nasiib ah waxaana la ogeysiin doonaa Jan. 10, 2025. Si aad ugu qalanto abaalmarinta boorsada wax lagu qaato ee dib loo isticmaali karo, guuleysteyaasha waxay ubaahnaan doonaan in ay gudbiyaan sharraxaad gaaban oo ku saabsan sida ay u buuxiyeen afar geesoolayaashooda. Macluumaad dheeraad ah oo ku saabsan shuruudan ayaa si toos ah loogu diri doonaa guuleysteyaasha. Wixi su’aala ah ama macluumaad dheeraad ah oo ku saabsan Yoolalka Cagaaran ee Ciyaarta Bingo, Isku Duwaha Dib-u-Warshadaynta Waxyaabaha Dabiiciga ah Twila Singh kala xiriir tsingh@EdinaMN.gov or 952-826-1657. Yoolalka Cagaaran ee Ciyaarta Bingo Kadhig Dookh Kasta Mid Wax Soo Kordhiya Samee is-hubin shakhsi ahaaneed oo xagga qashinka ah Wax ka iibso ganacsi maxalli ah Wax ka baro xulashooyinka tamarta nadiifka ah ee gurigaaga Sheeyaasha elektarooniga ah gee xarunta dib-u- warshadaynta Xaaqo cusbada barafka lagu dhalaaliyo ee dheeraadka ah si aad dib ugu isticmaasho Ku dadaal in aad isticmaasho cusbo yar oo lagu dhalaaliyo barafka qaboobahan Sheyga dib ugu isticmaal si hal abuur leh (tusaale: dhalada) Ku qanci qof daris ah in uu isku dayo dib-u- warshadaynta waxyaabaha dabiiciga ah Diid tuubada wax lagu cabo ama maacuunta caagga ah La kaalay weel aad ku qaadato cuntada si aad ugu qadayso Gaari la wadaag dadka, baaskiil wado, lugee ama gaadiidka dadweynaha raac si aad u soo adeegato Baro sida wax dib loogu warshadeeyo ka hor inta aan la iibsan Qurmi haraaga cuntadaada Dib u cusbooneysii aqoontaada dib-u- warshadaynta Isticmaal caagadaha biyaha dib loogu shubi karo markaad joogto xaflad Bal qiyaas sida dhulka uu u ekaan doono 50 sano hadda ka dib Korontada ka bixi dhammaan elektarooniga aan la isticmaalayn Soo amaaho ama kireyso sheyga beddelka soo iibsashada Isku day in aad wax dib u dayactirto beddelka dib- u-iibsiga Dami nalalka marka aad ka tagayso guriga Wax ka baro siyaabaha kale ee loo xannaaneeyo cawska loona xakameeyo cayayaanka Bixi/ guddoon hadiyad celis ah Jooji ku ridista bacaha balaastiga ah in aad ku rido qashinkaaga dib-u- warshadaynta Bac dib loo isticmaali karo u soo qaado dukaanka raashinka Magaca:Iimaylka:Teleefoonka: Kaararka ciyaarta bingo ee la dhammeystiray ku soo celi Saldhiga Dabdemiska 1aad ama Xarunta Waayeelada Edina ama onlaynka ku gudbi ugu dambayn Isniin, Janaayo 6, 2025 5Magaalada Edina EdinaMN.gov 4360 Brookside Court Xubinteeda Guddiga Qashinka Dabiiciga Terry Anderson waxa ay aad u jeclayd in ay ku caawiso deriskeeda in ay ku hoggaamiso caadooyin dib-u- warshadayn ah oo waara. (Sawirka waxaa qaaday Jason Heuer) WAXAA QORTAY LAUREN SIEBENALER 4360 Brookside Court waxaa laga yaabaa inay noqoto mid ka mid ah afar dhisme oo ku yaal aagga, laakiin waxay hormuud u noqonaysaa inay tahay dhismaha kaliya ee leh adeegga dib- u-warshadaynta, taas oo ay mahadaa leeyihiin xubno bulsheed oo xamaasad leh. Guddi ka kooban lix qof ayaa iska kaashaday sidii ay ugu keeni lahaayeen meel lagu ururiyo qashinka dabiiciga ah bulshadooda oo ka kooban 60 guryo gaar loo leeyahay. Waxaa lagu qiyaasayaa in saddex meelood meel ka mid ah dhismaha uu kaqeybqaadanayo, iyadoo la ururiyo 50 rodol oo walxaha qashinka dabiiciga ah toddobaadkiiba. “Marki koowaad, waxaa ka dambeeyay dad dhowr ah oo muhiim ah oo runtii aad u jeclaa, waxaana filayaa inay taasi caawisay,” ayay tiri Terry Anderson, mid ka mid ah xubnaha guddiga. “Waxay ila tahay in aad u baahan tahay in aad haysato dhowr qof oo runtii xamaasad leh oo fahma oo doonaya inay wax caawiyaan sababtoo ah [waxay gacan ka geystaan in qofkasta uu kaqeybgalo]. Waxaan kaliya rabaa in dhammaan dabaqyada iyo guryaha gaarka loo leeyahay ee ku yaala Edina ay bilaabaan in ay sidaa sameeyaan sababtoo ah ma aamini karo inta aan helno toddobaad kasta.” Anderson ayaa ku noolayd Brookside Court tan iyo 2020. Jacaylka ay u qabto dib-u-warshadaynta waxyaabaha dabiiciga ah waxay ka timid haweenay 94 jir ah oo ay xannaanaynaysay markii ay u soo guurtay aagga. Waqtigaa, haweeneyda 94-sano jirka ah ayaa ururin jirtay qashinka dabiiciga ah waxayna geyn jirtay goob la geeyo. Anderson waxaa lagu dhiirigaliyay in ay meel lagu ururiyo qashinka dabiiciga ah kadhex samayso bulshadeeda. Guddiga qashinka dabiiciga ah ee dhismaha waxay marki hore diiradda saareen wacyigelinta deriskooda, oo ay ku jiraan la shaqaynta ururkooda mulkiilayaasha guriyaha si ay u abuuraan una daabacaan agabkooda suuq- geyneed marka laga yimaado qaybinta agabka suuq-geynta ee Magaalada iyo martigelinta shirarka. Hadda kooxdu waxay inta badan maamushaa saadka, sida in ay weelka qashinka geeyaan wadada dhinaceeda. Anderson iyo kooxdeeda bacriminta qashinka waxay ku ammaanayaan Isku Duwaha Dib-u- warshadaynta Waxyaabaha Dabiiciga ah ee Magaalada Edina, Twila Singh, in ay tahay la- hawlgale garab taagan, iyadoo bixinaysa hagis ku saabsan sheeyaasha la aqbali karo, baco bilaash ah iyo kheyraad kale si gacan looga geysto in barnaamijka la bilaabo. “Waxaan leenahay dhowr dhismayaal qoysas badan ay deggan yihiin kuwaas oo doortay inay ku kordhiyaan ururinta qashinka dabiiciga ah,” ayay tiri Singh. “Goob kasta waxay leedahay duruufo u gaar ah, laakiin waxaan kala shaqeeyaa barnaamijyo dabacsan si aan gacan uga geysano xitaa kooxaha ugu yar inay bilaabaan. Waa muhiim in la helo dad badan ilaa inta suurtagal ah si loo keeno isbeddel.” “Runtii aad ayaan ugu mahadnaqayaa in Edina ay door firfircoon ka qaadanayso in ay nagu dhiirigeliso in aan barano oo aan isku dayno dib- u-warshadaynta qashinka dabiiciga,” Anderson ayay tiri. “Waxay ila tahay in aan u baahanahay in qofkasta uu ku lug yeesho si aan guul uga keeno. Waxaan dareemaynaa in ay sharaf inoo tahay. Waa ay adkayd bilowgi, laakiin waxaan un dadka ku dhiirigeliyaa in ay kobcaan oo ay wax ku bartaan.” Guddigu wuxuu leeyahay qorshayaal ay aqoontooda iyo xamaasadooda ku faafiyaan dhismayaasha dhow ee mustaqbalka dhow iyaga oo rajeynaya in kuwa kale ay ka-qaybqaataan. Wixi macluumaad dheeraad ah oo ku saabsan dib u warshadaynta qashinka dabiiciga ah ee guryaha qoysaska badan deggan yihiin, booqo EdinaMN.gov/MultifamilyOrganics. Brookside Court Ayaa Ku Biirtay Dhaqdhaqaaqa Dib-u- warshadaynta Waxyaabaha Dabiiciga ah Guuleysteyaal Deegaanka Ah Ayaa Guul Ku Gaaray Waxbarasho iyo Wacyigelin Tilmaamaha Dib U Warshadaynta Qashinka Dabiiciga Ah ee Guryaha Qoysaska Badan •Aqoonso hawlwadeenka(hawlwadeenada) ku sugan goobta si ay u hoggaamiyaan hindisaha qashinka dabiicga ah. •Adeegso agabyada suuqgeynta qashinka dabiiciga ee Magaalada si aad u faafiso warka oo kulamo wargelin ah la yeelo Isuduwaha Dib-u-warshadaynta Qashinka Dabiiciga Twila Singh. Dib-u-warshadaynta qashinka dabiiciga ayey is-garabsadaan caadooyinka dib-u-warshadaynta ee wanaagsan. •Adeegso bacaha caradu burburin karto si aad u yareyso daqsiga iyo kutaanka soo raaca qashinka cuntada. •Weel qashinka lagu rido oo dheeraad ah ag dhig goobta ururinta qashinka dabiiciga ah si dadka ay uga saaraan wixi wasakheysan. •Noqo qof dabacsan oo fahan in guri kasta uu ka duwan yahay kan kale ayna caqabado kala duwan kala kulmaan kaqeybgalka dib u warshadaynta qashinka dabiiciga ah. Kala dheereynta Haboon ee Haamaha Qashinka Dib-u-warshadaynta, haamaha qashinka dib-u-warshadaynta waxyaabaha dabiiciga ah iyo haamaha qashinka caadiga ah waa in la dhigaa wadada la maro dhinaceeda ama daaradda, waa in aan la dhigin dhabbaha dadka ay ku lugeeyaan ama wadada, oo ay isu jiraan saddex fiit. 3 cagood/ fiit 3 cagood/ fiit Haamaha qashinka ha isdaba dhigin Xilliga qaboobaha, god ka qod dhinaca wadada aad marto ama daaradaada oo aad salka u dhigto haamaha qashinka DIB U WARSHADAYNTA DIB-U-WARSHADAYNTA WAXYAABAHA DABIICIGA AH QASHINKA 6 Kheyraadka Dib-u-warshadaynta Goobaha La Geeyo Qashinka Dabiiciga ah Dadka deegaanka ee ku nool guryaha qoysaska badan degan yihiin ee aan heli karin goobta qashinka dabiiciga ah laga qaado ee wadada dhinaceeda ah, goobahaan la geynayo ayaa la heli karaa 24 saac maalintiiba, toddobo maalin toddobaadkiiba, sanadka oo dhan. •Xarunta Waayeelada Edina: 5280 Grandview Square •Community Garden: Gadaasha Southdale YMCA ee York Avenue. Qashin qubka qashinka dabiiciga waxa uu ku yaalaa albaabka laga galo Community Garden. •Centennial Lakes Park: 7499 France Ave. S. Weelka lagu rido qashinka dabiiciga waxa uu yaalaa heerka koowaad ee korinkorinka baakinka waqooyi ee Centennial Lakes Park, ee ka hooseeyo HomeGoods. •Lewis Park: 7300 Cahill Road Xirmooyinka bacaha carada burburin karto oo bilaash ah ayaa laga helaa Xarunta Waayeelada Edina inta lagu guda jiro saacadaha shaqada. Goobaha Waxyaabaha Halista Ah La Geeyo Riinjiga iyo jilciyayaasha, buufiyayaasha cadaadiska, bataryaha la dabayn karo, sunta cayayaanka, kiimikooyinka wax lagu nadiifiyo, saliidaha baabuurta, kiimikooyinka balliyada dabaasha, guluubyada nalalka LED iyo fluorescent. •Xarunta Geynta Dib-u-Warshadaynta iyo Dhibaatada Qashinka ee Koonfurta Hennepin, 1400 W. 96th St. Bloomington, ama Xarunta Dib-u- Warshadaynta iyo Saldhigga Lagu Kala Wareejiyo Qashinka ee Hennepin County, 8100 Jefferson Highway, Brooklyn Park Qashinka Daawada Daawooyinka dhakhtarku qoro ee dhacay ama aan la isticmaalin, daawooyinka la iska soo iibsado, waxyaabaha caarada leh (cirbadaha iyo mudacyada). Marna kuwaan haku tuurin meelaha biyaha ay ka dusaan ama musqusha! •Goob Kasta oo La Geeyo oo ku taasha Hennepin County ee Edina: • CVS: 6905 York Ave. • Farmashiyaha Fairview Dhismaha Dhakhaatiirta Edina, 6401 France Ave. S. • Farmashiyaha Fairview Southdale Oncology: 6363 France Ave. S. • Walgreens: 6975 York Ave. S. hennepin.us/en/residents/recycling-hazardous-waste/ medicine-disposal Goobaha La Geeyo Dib-u-warshadaynta Waxyaabaha Waaweyn kartoonada, boodhka sanduuqa, alaabta guriga, roogaga. Booqo hennepin.us/green-disposal-guide si aad uga aragto alaabaha la aqbali karo. Boodhadhka Kartoonada & Sanaadiiqda •Goobta Geynta, 1400 W. 96th St., Bloomington hennepin.us/green-disposal-guide/items/ boxes-cardboard-boxboard Alaabta Guriga La Isticmaali Karo •Bridging, 201 W. 87th St., Bloomington bridging.org/give-stuff/acceptable-items-to-donate/ Roogga La Isticmaali Karo •Deegaanka Aadanaha ee Magaalooyinka Mataanaha, 2700 Minnehaha Ave., Minneapolis restore.tchabitat.org/hours-locations Roogga iyo qeybta la hoos dhigo roogga ee la isticmaali karo ee la soo isticmaalay, nadiif ah, oo qalalan kaliya •Hank’s Specialties, 2800 Vicksburg Lane N., Plymouth hanksspec.com/ Elektarooniga iyo Qashinka Elektarooniga Kumbuyuutarada duugga ah, Laabtoobyada, qalabka daabacaada, taleefannada gacanta, telefishinnada. •Repowered, 860 Vandalia St., St. Paul getrepowered.org/certified-recycling/items-we-recycle/ Qashinka Fiilooyinka Nalalka Fiilooyinka nalalka fasaxa, oo ay ku jiraan kuwa jabay, iyo biraha qashinka ah. •Express Metals, 8094 Excelsior Blvd., Hopkins Barxadda, Roogga Cawska/Wasakhda Qaar Booqo smscorf.com si aad uga hesho alaabta la aqbali karo, oo ay ku jiri karaan qurxinta fasaxyada sida ubaxyada, bocorka iyo xardhitaanada ubaxyada. •Xarunta Dib-u-warshadaynta Waxyaabaha Dabiiciga ee SMSC, 1905 Mystic Lake Drive S., Shakopee – WAXAA ISKU DUBARIDAY GIOVANNA CONTRERAS Sheeyaashaan waxaa si joogta ah looga helaa weelasha qashinka dib-u-warshadaynta balse ma aha kuwo la aqbalo. Fadlan u fogee si ku habboon. •Nalalka fasaxyada, xargaha kordhinta sokotyada, biraha dharka la surto, silsiladaha birta ah •Tuubooyinka beeraha, xaashiyaha jarjaran, xaashiyaha wax lagu duubto •Dib-u-warshadaynta birta (xagga sare ka eeg si aad uga hesho Kheyraad) •Bacaha caaga ah, bacaha nadiifinta qalalan, bac- khafiifta (Waxaa yaala weelal lagu ururiyo inta badan dukaamada raashinka.) Khaladaadlka Badanaa Ka Dhaca Dib-u-Warshadaynta •Bataryada (Geesaha + iyo – ku dabool koollo cad. Kuwaan gee xarumaha la geeyo ee Hennepin County. Xagga sare ka eeg si aad uga hesho Kheyraad.) 7Magaalada Edina EdinaMN.gov DHACDOOYINKA SOO SOCDA Jimco, Nofeembar 1 Bilaabashada Bisha Dhaqanka Dadka Dhaladka Maraykanka ah Jimco, Nofeembar 1, 7 a.m.-9 p.m. Braemar Golf Dome ayaa loo furayaa xilliga Sabti, Nofeembar 2, 10 a.m. -duhurki Burburka Pumpkin & Bash, Jardiinada Miiga Axad, Nofeembar 3, 6 p.m. Kooxda Muusikeystayaasha Percolators, Edinborough Park Talaado, Nofeembar 5, 7 a.m.-8 p.m. Maalinta Doorashada. Ka codee deegaan-doorashooyinka; ma laga codeynayo Hoolka Magaalada Arbaco, Nofeembar 6, 7 p.m. Shirka Golaha Deegaanka, Hoolka Magaalada Edina Jimco, Nofeembar 8, 5:30 p.m. Caweyska Filimka, “Inside Out 2,” Edinborough Park Axad, Nofeembar 10, 6 p.m. Buurta Mashiinada, Edinborough Park Isniin, Nofeembar 11 Maalinta Halgamayaasha; Xafiisyada Magaalada waa ay xiran yihiin Khamiis, Nofeembar 14, 7:30 a.m. Shirka Hay'ada Guriyeynta & Dib U Hormarinta, Magaalada Edina Axad, Nofeembar 17, 6 p.m. Mark Yannie, Edinborough Park Talaado, Nofeembar 19, 7 p.m. Shirka Golaha Deegaanka, Hoolka Magaalada Edina Axad, Nofeembar 24, 6 p.m. Kooxda Xuska John Philip Sousa ee u Horreeyey, oo kadhacaya Edinborough Park Khamiis, Nofeembar 28 Maalinta Mahadnaqa; Xafiisyada Magaalada waa ay xiran yihiin Jimce, Nofeembar 29 Xafiisyada magaalada waa la xiray Sabti, Nofeembar 30, 3-6 P.m. Sabtida Ganacsiyada Yaryar & Xafladda Iftiinka, 50th & France Shirarka Golaha Deegaanka, Maamulka Guriyeynta & Dib-u-hormarinta iyo Guddida Qorshaynta toos uga daawo Edina TV (Kanaallada Comcast 813 ama 16) ama onlaynka. Si aad u hesho liiska shirarka iyo dhacdooyinka oo dhameystiran, booqo EdinaMN.gov./Meetings Oggolaanshaha Sooneynta Loo Siiyay Dib-u- Horumarinta Goobta Agabka Guryaha ee Macy Doodaha Maalgelinta Cashuur-kordhinta Ayaa Socon Doona Bishan Koox qaabilsan dib-u-horumarinta hantida ma guurtada ah ayaa hantay oggolaanshiyaasha Magaalada si ay dib ugu horumariyaan goob sagaal akar ah oo ku taasha 7235 France Ave. oo ay hadda deggan yihiin Meesha Lagu Soo Bandhigo Agabka Guryaha & Joodariyada ee Macy. Bakhaarka waxaa marki hore la dhisay 1977 markii hawlgalladi qodista jayga iyo carrada ee ku hareeraysan ay bilaabeen inay tartiib-tartiib hoos ugu dhacaan. Kadib 18 bilood oo dib u eegis iyo talo bixin ah, shirkadaha Enclave Companies iyo Lifestyle Communities ayaa hantay oggolaanshaha qeybinta Magaalada si goobta loo kala qeybiyo oo looga dhiso afar dhismo oo cusub. Bakhaarka Macy ee hadda ku yaala waxaa loo wareejin doonaa goob u dhow dabayaaqada 2025 waxaana la dumin doonaa dhismaha ka dhisan iyo booska weyn ee baakinka ah. Golaha Magaalada ayaa oggolaaday qorshaha goobta bishi Sibteembar waxayna bixiyeen oggolaanshiyaasha ugu dambeeya ee dib u qeybinta iyo oggolaanshaha ugu dambeeya ee sawirka shaxda qqeybinta oo ay bixiyeen bishi Oktoobar. Qorshaha goobta ee la oggolaaday ayaa la dejiyay iyadoo la adeegsanayo mabaadii’da Qorshaha Aagga Southdale oo Dhan ee Magaalada. Qaabka cusub waxaa ka mid ah jidad cusub, dhabbayaasha waddada dhinaceeda ah iyo goobo kale oo dadweyne. Dhabbaha baaskiilka ee Nine Mile Creek ee hadda jira ayaa ku sii yaali doona cirifka koonfureed ee dhismaha. Mid ka mid ah dhismayaasha ee ku yaalla France Avenue wuxuu noqon doonaa dhisme gaar-gaar loo leeyahay oo 11-biyaano ah oo dabaqa koowaad ku leh goob maqaaxi/tafaariiq, goob xafiis oo Heerka A ah oo ku taasha dabaqyada dhexe iyo 49 guryo gaar-gaar loo leeyahay oo ku yaalla qeybaha sare ee dabaqa. Dhismaha labaad ee ku yaalla France Avenue wuxuu noqon doonaa dhismo toddobo biyaano ah oo waxyaabo kala duwan loo adeegsado oo dabaqa koowaad ku leh goob maqaaxi/tafaariiq, goob xafiis xirfadeed oo ku taasha dabaqyada dhexe iyo abaartimentiyo kiro ah oo ku yaalla qeybaha sare ee dabaqa. Labada dhismo ee cusub ee soo haray wuxuu mid kasta noqon doonaa abaartimentiyo kiro ah oo toddoba biyaano ah oo ku dheggan Edina Promenade. Hal dhismo waxaa sidoo kale ku jiri doona maqaaxi yar oo ku jeedda beerta. Dhisme kasta oo cusub waxaa ka mid noqon doona baakin gudaha ah oo loogu talagalay dadka deggan, shaqaalaha iyo macaamiisha. Inta badan abaartimentiyada cusub iyo guryaha gaar-gaarka loo leeyahay waxaa lagu kireyn doonaa ama lagu gadi doonaa sicirka suuqa ee heerka sare ah. Boqolkiiba toban ee guryaha waxaa lagu kireyn doonaa ama lagu gadi doonaa qiimo la awoodi karo. Iyadoo la dhammeeyay dib-u-eegisyada sharci, shirkadaha dhisaya waxay qaadan doonaan deynta gaarka ah iyo maalgelinta sinnaanta ee mashruucan ku kacaya $297 milyan. Shaqaalaha Magaalada iyo la-taliyayaasha maaliyadeed ee Magaalada ayaa diyaarinaya heshiis hordhac ah si ay kuwa dhisaya ugu celiyaan qeyb ka mid ah kharashka alaabaha dadweynaha ee uu dhisayo horumariyuhu. Golaha Magaaladu waxay ka doodi doonaan abuurista degmo cusub oo maalgelinta kordhinta cashuuraha (TIF) ah oo laga abuuro aagga iyo Heshiiska TIF ee lagu soojeediyay kulankoodi Nofeembar 19. Hawlaha kale bishii hore, Golahu: •Waxay ku dhawaaqeen in Nofeembar 1 ay noqoto “the Extra Mile Day (Maalinta Hawsha Dheeraadka” ee Edina, oo lagu dhiirigelinayo dadka deegaanka “in ay hawl dheeraad ah ku qabtaan” dadaalka shakhsi ahaaneed, isxilqaanka iyo adeegga oo ay maamuusaan kuwa dhiirigeliya dadaalkooda. •Waxay wax ka bedeleen Xeerka Magaalada ee ku saabsan Guddiga Ilaalinta Dhaxalka, waxay dejiyeen siyaasadda maaliyad-haynta qolo saddexaad oo loogu talagalay qandaraasleyaasha ka shaqeeya guryaha ku yaala Country Club District ama calaamadaha kale ee dhulka ee dhaxalka ah waxayna cusbooneysiiyeen Qorshaha Maareynta ee Country Club District. Isbeddeladu ma dhaqangeli doonaan ilaa Qeybta Kormeerada Dhismaha ee Magaalada ay hirgeliso softiweer cusub oo oggolaansho. •Waxay ansixiyeen heshiis qiimeyn gaar ah oo lala yeesho Edina Morningside Community Church si dib- u-dhis waddo looga sameeyo Xaafada Morningside. Xisaabinta hore ee shaqaaluhu waxay muujisay in kaniisaddu ay ku leedahay in ka badan $25,000 ee qaybtooda mashruuca. Xirta ayaa Xubnaha Golaha la wadaagay walaacyada ku saabsan kharashka, marka shaqaaluhu waxay dib u qiimeeyeen qiimeynta waxayna go’aamiyeen qadarka in uu ka badnaa faa’iidada ay filayso kaniisada. Qiimeynta waxaa hoos loogu dhigay $18,295.20, taasoo lagu bixin karo in ka badan 15 sano. Golaha Edina waxay marka xigta kulmi doonaan 7 p.m. Arbaco, Nofeembar 6, iyo Talaado, Nofeembar 19. Wixii macluumaad dheeraad ah, booqo EdinaMN.gov/meetings. - WAXA SOO URURISAY JENNIFER BENNEROTTE 952-927-8861 | mail@EdinaMN.govMagaalada Edina EdinaMN.gov8