The URL can be used to link to this page

Home My WebLink AboutEditionEdina_July-2025_Somali-WebWAXAA QORTAY JACEY MISMASH Marki Dick iyo Suzie Crockett ay u soo guureen Edina sanadki 1999, aragtida beerta Bredesen Park marka laga soo eego Wadada Schaefer waxay ahayd mid yar. Inta badan beerta 206-akar ah waxaa qariyay geedka buckthorn (dhafaruurka). Inkastoo lammaanuhu ay ku dhawaad maalin kasta ku soo noqnoqon jireen beerta, aragtida marka laga soo eego xagga gurigooda ma ahayn wax cajiib ah. “Waxaan dhab ahaanti armaajo dhignay daaqada wayn ee laga daawado marki aan u soo guurnay,” ayuu dib u xasuustay Dick Crockett. “Ma jirin wax badan oo la fiiriyo, waxaana meesha ku habboonaatay armaajada.” Sanadki la soo dhaafay, ree Crockett waxay ugu danbaynti go’aansadeen inay meesha ka saaraan armaajada. Bilowga mashruuca dib-u-soo celinta beerta Bredesen Park, gaar ahaan saarista xooggan ee geedaha buckthorn, lammaanuhu waxay hadda haystaan meel aad u fiican oo ay ka daawadaan quruxda dabiiciga ah iyagoo un ka eegaya dibedda qolkooda jiifka. Mashruuca, oo lagu maalgeliyay deeq $500,000 ah oo ka socota Waaxda Kheyraadka Dabiiciga ah ee Minnesota iyo $50,000 oo ka socota Magaalada Edina, waxaa looga gol leeyahay in dib loogu soo celiyo in ka badan 30 akar oo ka mid ah beerta Bredesen Park, gaar ahaan aagga ku dheggan Nine Mile Creek. “Inta badan shaqadi hore ee laga qabtay beerta waxay ahayd wax teel-teel ah mana muujin inay waxtar u leedahay mustaqbalka,” ayuu ku sharraxay Khabiirka Waaritaanka Matthew Gaab. “Mashruucani wuxuu sahlayaa hab aad u dhammeystiran oo dib loogu soo celiyo dhul daaqsimeedka wadaniga ah ee oak savanna iyo deegaanka dhulka qoyan.” Mashruuca dib-u-soo celinta ee saddexda sano ah wuxuu leeyahay faa’iidooyin dhowr ah, oo ay ku jiraan kor u qaadista tayada biyaha ee meelaha biyaha ay ku qulqulaan, saarista dhirta waxyeellada leh, dhimista bacaad-saarka marinada biyaha iyo kor u qaadista deegaanada noolayaasha sii dabar go’aya sida shinnida Rusty Patched Bumblebee. Mashruucan caafimaadka deegaanka ee beerta oo kaliya kor uma qaadi doono balse wuxuu xoojin doonaa bilicda deriska iyo xubnaha bulshada ee ku nool kuna noqnoqda goobta. “Caafimaadka waraheena iyo durduradeena wuxuu ku xiran yahay caafimaadka bilicda dhulka,” ayay tiri Maareeyaha Kheyraadka Biyaha Jessica Wilson. “Bilicda dhirta wadaniga ah waxay xasilisaa ciidda, waxay gacan ka gaysataa hawada iyo biyaha nadiifka ah, waxay bixisaa deegaan korna u qaadaa adkaysiga cimilada isbedbedelaya.” Shaqadu waxay sii socon doontaa sanadka 2025 oo dhan si loo beegsado dhirta qalaad ee waxyeellada leh ee ka baxda beerta oo dhan, la beeri doonaa doog wadani ah iyo dhul cawseed laguna tallaali doonaa dhir kala duwan. Ree Crockett, isbeddelka lagu sameeyay beerta ayaa ahaa mid muuqday isla markiiba. Wixi mar ahaa duur mugdi ah, oo cufan oo la guurguuran jiray geed ilaa geed ayaa hadda ah bilic aad u furan oo ku taasho mid ka mid ah beeraha ugu waawayn Edina. “Waxaan leeyahay dhowr saaxiibadeey ah oo gaari uga yimaada magaalooyin kale kaliya inay socod igula maraan Bredesen,” ayay tiri Suzie Crockett. “Waan jeclahay inaan ku noolahay beerta horteeda, hadana waxaan xaqiiqdi arkaa dhammaan dadka soo booqda.” Dadka yimaada beerta iyo khuburada deegaanka waxay sidoo kale arkeen isbeddelka, iyadoo wararku sheegayaan in dhirta wadaniga ah sida Jack-in-the- pulpit iyo Marsh Marigold ay ubax ku dhaliyeen Bredesen gu’gan. Inkastoo muddada deeqda mashruuca dib-u-soo celinta deegaanka ay dhammaan doonto 2027, Magaalada waxaa ka go’an inay mustaqbalka si wanaagsan u daryeesho beerta. Iyadoo la heli karo habab kala duwan oo lagu xakameeyo, nadiifinta geedaha buckthorn iyo dhirta kale ee waxyeellada leh ayaa sii ahaan doona qayb ka mid ah mustaqbalka Bredesen Park. “Waxaan ku nool nahay ka soo horjeedka halkan, balse faa’iidada waxaa leh dad badan,” ayuu yiri Dick Crockett. “Waxaa jira dad noocaan ah oo aad u kala duwan oo soo booqda beerta— kooxo, shakhsiyaad, waalidiin iyo carruur, baaskiilley— waa u faa’iido dhammaanteen.” Beerta Bredesen Park waxay ku taashaa 5901 Olinger Blvd. Wixi macluumaad dheeraad ah ee ku saabsan mashruuca, kala xiriir Kaaliyaha Agaasimaha Beeraha & Khayraadka Dabiiciga ah Tom Swenson halkan TSwenson@EdinaMN.gov. Bredesen Park Waxay Iska Soo Beddeshay Duur Ayna Noqotay Bilic Qurux Badan Mashruuca Dib-u-soo Celinta Wuxuu Kor u Qaadayaa Waayaha Beerta ee Deriska, Dadka Booqda Beerta iyo Noocyada Dhirta Wadaniga ah Dick iyo Suzie Crockett waxay hadda beerta Bredesen Park ee Edina si fiican uga arkaan gurigooda. (Sawirka waxaa qaaday Jason Heuer) Magaalada Edina EdinaMN.gov 1 WARBIXINTA DHAQAALAHA SANNADLAHA AH EE CAANKA AH BOGGA 3 JUULAAY 2025 Majalada 12, Qeybta 7Aasaaska XooganHIMILOOYINKA MAGAALADA Ku wanaagsan wadajirkaAdeeg La isku halayn karo Magaalo lagu Noolaan karo Daabacaad: Edina WAXAA QORAY DEBBIE TOWNSEND Magaaladu waxay kordhisay muddada dib-u- bixinta amaahda ee Rugta Ganacsiga Edina oo loogu talagalay in lagu taageero barnaamij lagu xoojinayo ganacsiyada yaryar. Rugta waxaa weli lagu leeyahay ku dhawaad $469,000 oo ka mid ah amaahdi hore $650,000. Muddadi hore ee lacag bixinta ee toddobada sano ahayd waxaa la gaarsiiyay 15 sano, sida ay codsatay Rugta. Magaaladu waxay baaqiga ku kordhinaysaa $5,000 si loogu daboolo kharashaadka sharciga ee wax looga beddelayo amaahda. Maamulka Guriyaynta & Dib-u-horumarinta, kaasoo ansixiyay amaahda, wuxuu isbeddelada OK ugu coddeeyay kulankiisi Abriil 10. “Waxaan isku daynay in aan fududayno si aan u gaarno labo yool,” ayuu yiri Maareeyaha Horumarinta Dhaqaalaha Bill Neuendorf oo uu ka yiri dib-u-habaynta amaahda. “Kow, in la xaqiijiyo in amaahda dib loo bixin karo. Marka labaadna, in la xaqiijiyo in dib-u-bixintu aanay carqaladayn hawl-gallada socda iyo guusha Rugta.” WAXAA QORTAY LAUREN SIEBENALER Mar kasta oo kaar la saarto xarun Magaalada ah waxay keentaa 2-4% khidmad ah oo ka timaada miisaaniyadda Magaalada, taasoo sanadki isku noqota boqolaal kun oo doolar. Laga bilaabo Juulaay, Magaaladu waxay billaabi doontaa inay 3% khidmad ah ku dallacdolacagaha lagu bixiyo kaarka bangiga ama kaarka amaahda. Cidda ugu horreysa ee bixinaysa khidmadda cusub waa Waaxda Dabdemiska, oo ay ku jiraan Qaybta Caafimaadka Dadweynaha, Xarunta Tababarka Dadweynaha ee Koonfurta Metro iyo Qaybta Kormeerada Dhismeyaasha. Waaxyaha kale ayaa ku xigi doona marka nidaamyadooda iyo hababkooda dib loo habeeyo. “Mar kasta oo uu horumariye yimaado oo uu kaarka kiridhitka saaro si uu u bixiyo $20,000, Magaaladu waxay masuul ka tahay 2% ama ka badan oo khidmad ah oo nagula soo dallacayo si aan u aqbalno lacagtaas,” ayay ku sharraxday Agaasimaha Maaliyadda Pa Thao, taasoo madax u ahayd cilmi baarista hirgelinta khidmadda ku habboonaanta iyadoo uu wehliyo Madaxa Dabdemiska Andrew Slama. Waaxda Dabdemiska Edina waa mid ka mid ah waaxyaha Magaalada ee leh saamaynta ugu Amaahda, oo la bixiyay 2022, waxay maalgelisay dib-u-habaynta goobaha ganacsiga ee bannaan si Rugta ay adeegyadeeda iyo barnaamijyada ugu ballaariso ganacsiyada maxalliga ah. Arrintaasi waxaa udub-dhexaad u ahaa Sheybaarka Ikhtiraaca Edina, barnaamij lagu dardargelinayo ganacsiga looguna talagalay in looga caawiyo mulkiilayaasha ganacsiga iyo ganacsatada inay la qabsadaan xaaladaha suuqa ee marwalbo isbedbeddelayo. Sheybaarku wuxuu si guul ah u maamulay dhowr “kooxo tababar,” kuwaasoo mulkiilayaasha ganacsiyada yaryar ku tababaray maaliyadda, suuq-geynta, fikirka istaraatiijiga ah iyo qaar kaloo badan si ay u abuuraan qorsheyaal ganacsi oo loo habeeyey si loo guuleysto. Qaaraanki hore ee Rugta ee gaarka ahaa ee $200,000 wuxuu gacan ka gaystay daah-furka sheybaarka, balse qaaraanka guud iyo dakhliga kaqaybgalaha marna ma gaarin heerki hoggaamiyayaasha Rugta ay filayeen. Barnaamijyadi uu bixinayay sheybaarka waxaa la joojiyay horraanti sanadkan. Amaahdu waxay ka timid Sanduuqa Raasamaalka Mashaariicda Gaarka ah iyo Dib-u-horumarinta (SPARC), oo ah barnaamij wayn. Thao iyo Slama waxay sheegeen in 2023, Waaxda Dabdemiska ay samaysay 8,928 lacag xawaalad kaararka amaahda ah oo wadartoodu dhan tahay $4,939,597. Wadarta khidmadaha kaararka amaahda waxay ahayd $125,501 – 2.54% oo ka mid ah iibabka. “Haddii qandaraasle uu mashruuc samayn rabo oo uu rahan (escrow) u baahan yahay xeerka ama sharciga, waxay bixinayaan rahanta Magaaladuna aakhirki way u celinaysaa,” Slama ayuu yiri. “Haddii ay isticmaalaan kaarka amaahda, Magaaladu waxay bixinaysaa khidmadaha la xiriira, waxay haynaysaa lacagta kadibna waxay u celinaysaa qandaraaslaha aakhirki. Marka, taasi waa hal dhinac oo runtii saamayn xun ah.” Macaamiisha rabaan inay ka fogaadaan khidmadda 3% ah waxay ku bixin karaan kaash ama jeeg. Khidmadda habboonaanta waxaa lagu sharrixi doonaa dhammaan nidaamyada lacag-bixinta ee onlaynka ah iyo calaamado wixi shakhsi ahaan ah. Shaqaalaha Magaalada waxay sidoo kale sheegi doonaan khidmadda marka ay macaamiisha u caawinayaan si fool- ka-fool ah ama taleefanka. Slama iyo Thao waxay cilmi baaris ku samaynayeen khidmadaha kaarka amaahda labadi sano ee la soo dhaafay iyagoo eegaya xilligii aafadi COVID-19 si loogu dardargeliyo shaqo abuurka korna loogu qaado maalgashiga gaarka ah ee ganacsiyada. Maalgelintu waxay ka timid Southdale TIF District 2, canshuuraha hantida ma guurtada ah ee uu soo saaray suuqa dukaamaysiga kadib dib-u-habayntiisi ballaarnayd ee dhiirigelisay kobaca ganacsi ee Aagga Southdale-Weyn. Si loo xaqiijiyo in dib loo bixin karo amaahda, Rugtu waxay dhintay xoogaa kharashaadka waxayna dejisay qorsheyaal ay ku kiraynayso booska xafiiska ee aan la isticmaalin iyo booska sheybaarka, Madaxweyne Shelly Loberg ayay u sheegtay HRA. “Waxaan si xooggan u aaminsanahay in miisaaniyadda aan haysano la gaari karo oo intaan aan dib isaga bixin karno,” Xubin Ka Tirsan Guddiga Rugta horayna u ahaa Madaxwaynaha Guddiga Paul Mooty ayaa u sheegay HRA. “Waa ujeeddadeenna buuxda in aan dayntan dib isaga bixinno.” Wixi macluumaad dheeraad ah, Neuendorf kala xiriir bneuendorf@EdinaMN. gov ama 952-826-0407. waxa ay magaalooyinka kale samaynayaan oona hubinaya xogta maaliyadda. Horraanti sanadkan, Golaha Deegaanka Edina waxay fareen Waaxda Maaliyadda inay ballaariso cilmi baarista oo ay bilowdo hirgelinta khidmadaha kaarka amaahda si uu u noqdo mid ka mid ah xulashooyinka lagu yaraynayo miisaaniyadda Magaalada. Kadib marka Waaxda Dabdemiska ay bilowdo socodsiinta khidmadaha kaararka bisha Juulaay, kuwa badan ayaa ku xigi doona. Iyadoo leh shan nidaam oo bar wax lagu cabbiro ah iyo 10 soo- saareyaal ganacsi oo kala duwan oo ururka oo dhan ah, waax kasta waxay leedahay saadkeeda u gaarka ah oo ay ku xalliso ka hor inta aan khidmadda laga meelmarin Magaalada oo dhan. “Si loo sii ahaado wakiillo maaliyadeed oo xoggan loona sii wado bixinta tayada adeegga macaamiisheena ay filayaan, hirgelinta khidmadaha kaarka amaahda ayaa ah jawaab lagama maarmaan u ah in si macquul ah loo maareeyo kharashaadka wadida hawsha ee sii kordhaya,” ayay tiri Kaaliyaha Maareeyaha Magaalada Ari Lenz. Wixi macluumaad dheeraad ah ee ku saabsan khidmadda habboonaanta ee Magaalada ee iibsiyada kaararka, la xiriir Waaxda Maaliyadda, 952-826-0366. Muddada Bixinta Amaahda Ayaa Loo Dheereeyay Rugta Ganacsiga HRA Ayaa Lacag Daymisay Barnaamijka Dardargelinta Ganacsiga, Balse Qaaraanka Gaarka ah Ayaa Hoos u Dhacay Magaalada oo Bilaabaysa inay 3% Ku Dallacdo Lacago Bixinada Kaararka Waaxda Caafimaadka Dadweynaha, Xarunta Tababarka Dadweynaha ee Koonfurta Metro iyo Kormeerada Dhismeyaasha Ayaa ugu Hor Hergelinaya Khidmadda Cusub 2 WARBIXINTA MAALIYAD SANADEEDKA CAANKA AH 2024 Tusaha Magaalada Edina Golaha Magaalada Duqa magaalada Jim Hovland – 612-874-8551 Xubnaha Golaha Kate Agnew – 952-833-9556 Carolyn Jackson – 952-833-9547 James Pierce - 952-833-9548 Julie Risser – 952-833-9557 Kooxda Hoggaanka Fulinta Maareeyaha Magaalada Scott Neal - 952-826-0401 Kaaliyaha Maareeyaha Magaalada Ari Lenz – 952-826-0416 Agaasimaha Isgaarsiinta Jennifer Bennerotte – 952-833-9520 Agaasimaha Horumarinta Bulshada Cary Teague - 952-826-0460 Agaasimaha injineernimada Chad Millner – 952-826-0318 Agaasimaha Maaliyadda Pa Thao – 952-826-0420 Taliyaha Dabka Andrew Slama – 952-826-0332 Agaasimaha Shaqaalaha Kelly Curtin - 952-826-0402 I.T. Agaasime Ryan Browning - 952-826-0434 Komishanka Jardiinooyinka & Madadaalada Perry Vetter - 952-826-0430 Madaxa Booliska Todd Milburn – 952-826-0487 Agaasimaha howlaha guud Brian Olson – 952-826-0311 Magaalada Edina waxay kaga warbixisaa natiijooyinka dhammaadka sannad- maaliyadeed Warbixinteeda Maaliyadeed ee Guud ee Sannadlaha ah (CAFR). Warbixintani Maaliyad Sanadeedka Caanka Ah waxay soo koobeysaa xog muhiim ah oo laga soo qaatay lacago la xushay bishii Diseembar 31, 2024 CAFR waxayna la jaanqaadaysaa Mabaadii’da Guud ee Xisaabaadka La Oggol Yahay. Si aad u hesho dib u eegista dhammeystiran ee booska maaliyadeed ee Magaalada ee 2024, la tasho ACFR, oo laga heli karo EdinaMN.gov/Finance. WAXAA QORTAY JACEY MISMASH Dib-u-dhiska qayb muhiim ah oo ka mid ah kaabayaasha adeegyada guryaha ee Edina ayaa la soo gabagabeeyay sanadkan. Dhismaha Xarunta Cusub ee Bamgaraysa Biyaha Wasakhda ah ee 6 ee Edina ee ku taasha 4400 72nd St. waxaa la bilaabay 2022 waxaana la dhammeystiray Abriil 2025. Mashruuca $7.6 milyan ah wuxuu qayb ka ahaa Qorshaha Horumarinta Raasamaalka ee Edina ee 2021-2026. Marki hore la dhisay 1950-meeyadi, xarunta waxay soo jiidaa biyaha wasakhda ah oo ay ka soo jiido tuubo joog hoose ku taasho oo ay u qaado tuubo joog sare ku taasho, taasoo u oggolaanayso inay biyaha si xor ah u qulqulaan iyadoo caawin laga helayo cuf-isjiidadka dhulka. Qaab-dhismeedki hore wuxuu noqday mid ku duugoobay isticmaalka ka badan 70-ka sano, taasoo ku kalliftay Magaalada inay miisaaniyad u yeesho cusboonaysiinta xarunta soo jiidda biyaha wasakhda si ay si wanaagsan ugu habboonaato baahiyaha Magaalada. “Iyadoo dhammaan mashaariicda horumarinta raasamaalka ay muhiim yihiin, kuwa bulshada ku leh saameynta adeeg iyo badbaado ee ballaaran ayaa si gaar ah muhiim ugu ah Magaalada,” ayay tiri Falanqeeyaha Maaliyadda Mallory Jensvold. “Edina waxay ku faantaa joogtaynta iyo xoojinta heerarka adeegyada jira iyo badqabka xubnaha bulshadeena.” Iyadoo u adeegta qaybta koonfur galbeed ee Edina, xaruntu waxay shaqaysaa 24 saacadood maalinti, toddobo maalmood asbuuci, iyadoo caadiyan bamgaraysa 1,600-2,100 gallon oo biyo ah daqiiqad kasta. La nakhshadeeyay iyadoo hawlgallada iyo dayactirka maanka lagu hayo, gelitaanka baabuurta iyo bamka wiishka waxaa hadda laga helayaa gudaha Xarunta Bamgaraysa Biyaha wasakhda ah ee 6 si boos loo siiyo baahiyaha dayactirka sanadka oo dhan. Balliyada biyaha qabta iyo beeraha roobka ayaa sidoo kale la dhisay si kor loogu qaado maaraynta biyaha roobka ee goobta. “Xarunta cusub waxay leedahay awood dheeraad ah oo loogu talagalay kobaca waxayna u shaqaynaysaa si fiican, iyadoo nidaamkeeda xakamaynta urta si wayn looga horumariyay midki xarunti hore,” ayuu yiri Maareeyaha Adeegyada Injineerinka Ross Bintner. Bilcinta qaab-dhismeedka iyo geedo ayaa sidoo kale lagu daray goobta si wanaagsan si loogu darogudaha South Cornelia Neighborhood. Iyadoo dib-u-habaynti xarunti hore ee Xarunta Bamgaraysa Biyaha Wasakhda ah ee 6 la tixgeliyay, kharashaadka la qiyaasay waxay ka badnaayeen 70% kharashka lagu beddelayo. Dib- u-qaabayn lagu sameeyay sidoo kale waxbo kama qaban baahida loo qabo boos dheeraad ah oo la deeqsiiyo qulqulka bullaacada mustaqbalka ee soo galaya xarunta. Iyadoo uu maalgeliyay Sanduuqa Fayodhowrka Adeegyada Guryaha, mashruuca waxaa lagu bixiyay dakhli laga soo ururiyay dadka deggan Edina iyo ganacsatada si ay u helaan adeegyada biyaha, bullaacada iyo marinka biyaha roobka. “Beddelista iyo dayactirista nidaamyadaan kaabaha, waxaan heerarka adeegyada joogto uga dhigi karnaa dadkeena deegaanka iyo milkiilayaasha ganacsiga,” ayuu yiri Bintner. Wixii macluumaad dheeraad ah ee ku saabsan nidaamka adeegyada guryaha ee Magaalada, booqo EdinaMN.gov/PublicWorks. Magaaladu Waxay Dhismo 1950-meeyadi ah Ku Beddeshay Nidaamka Biyaha Wasakhda oo Casri ah Xarunta Cusub ee Bamgaraysa Biyaha Wasakhda ah Waxay Qaadaa Kala Bar Biyaha Wasakhda ah ee Magaalada Maareeyaha Adeegyada Injineerinka Ross Bintner ayaa taagan Xarunta Bamgaraysa Biyaha Wasakhda ah ee 6 ee dhawaan la dhisay. (Sawirka waxaa qaaday Jacey Mismash) 3Magaalada Edina EdinaMN.gov WARBIXIN SANADKA WAXAA QORTAY KAYLA NORTHWAY Iyadoo ay ugu wacan tahay maalgelinta canshuurta gadida ee nus-sentiga ah ee ay ansixiyeen cod bixiyayaasha Edina bishi Nofeembar 2022, cusboonaysiimaha iyo dayactirada tas-hiilaadka Beeraha Nasiinada & Tamashleynta Edina ayaa si fiican u socda. Ururintu waxay bilaabatay Abriil 1, 2023, iyadoo lagu qiyaasay boqolkiiba 54 inuu dakhliga canshuurta gadida ka imaanayo dad ku nool dibedda Edina balse lacagta ku kharashgareeya gudaha magaalada, sida ay sheegtay daraasad ay samaysay Jaamacadda Minnesota. Ururinta Canshuurta Gadida 2023: $5.5 milyan 2024: $6.5 million 2025 (ilaa Abriil 2025): $2.4 milyan Wadarta ilaa hadda: $14.4 milyan Braemar Park Miisaaniyadda mashaariicda lagu bixinayo canshuurta gadida ee soo xaroota: $8.1 milyan La kharashgareeyay ilaa May 2025: $2.8 milyan Sanadki hore, Braemar Park waxay heshay horumarino degdeg ah iyo adeegyo cusub, oo uu ku jiro garoonka aad loo sugayay ee Courtney Fields ee la furay bartamihi bishi May. “Waxyaabo badan oo ku jira qorshaha Braemar Park waa hagaajinada iyo dayactirada kaabaha dhisan, balse garoonka Courtney Fields waa wax ay garwadeen ka tahay bulshada oo si gaar ah ugu adeegaya xaafada iyo bulshada ku xeeran,” ayay tiri Qorsheeyaha Beerta Rachel Finberg. Dhismaha garoonka lagu ciyaaro wuxuu bilowday dayrti la soo dhaafay wuxuuna ku kacayaa $175,000. Horumarinada kale ee la dhammeystiray ee Courtney Fields waxaa ka mid ah casriyaynta nalalka, rakibista shabaqa badbaadada, horumarinada barxadda iyo dariiqyo cusub oo u hoggaansan xeerka naafada ee ADA. Qandaraas cusub oo soconayo ilaa 2028 oo lala galayo Resource Environmental Services (RES), oo ah shirkad qaabilsan dib-u-soo celinta deegaanka, ayaa wax ka qaban doona baahiyaha bilcinta dhulka iyo ka hortagga dhirta waxyeellada leh. Dhir wadani ah ayaa lagu beeri doonaa aagga. La dhammeystiray sanadki 2024, dhabbayaasha buuraha ee baaskiilka lagu wado waxaa hagaajiya mutadawiciin ka socota Minnesota Offroad Cyclists (MORC), kuwaasoo ilaaliya dhabbayaasha, ka saara khatarada oona ilaaliya calaamadaha dhabbayaasha buuraha. Beerta Nasashada ee Fred Richards Miisaaniyadda: $17.7 milyan La kharashgareeyay ilaa May 2025: $921,546 Bishi Abriil 2025, shirkadda H+U Construction ayaa loo soo shaqaalaysiiyay inay maamusho dhammaan dhinacyada dhismaha, oo ay ku jiraan hubinta tayada, maaraynta miisaaniyadda iyo isku dubaridka dhismaha. “Waxaan na sugayo dhul badan oo aan wax ka qabanno – 18 bilood haddiiba aysan ahayn 20 bilood oo shaqo ah,” ayay tiri Finberg. “Kani waa mashruuc weyn oo qas badan leh, marka waa ay wanaagsan tahay in la haysto maamule dhisme oo naga caawiya hawsha.” Qorshaynta wayn iyo hannaanka oggolaanshaha waa gaba-gabo, iyadoo shaqada dhulka ay ku xigto dhammaadka sanadka. Dhabbayaashu waa ay sii furnaan doonaan inta uu socdo dhismaha marki ay suurtagal tahay. Braemar Arena Miisaaniyadda: $45.2 milyan La kharashgareeyay ilaa May 2025: $648,286 La soo shaqaalaysiiyay 2024, nakhshadeeyayaasha JLG ayaa bixinaya adeegyada nakhshadda oona hoggaamin doona kaqaybgalka bulshada, halka Wakiilka Mulkiilaha The Tegra Group ay hoggaamin doonto kooxda mashruuca ee Braemar Arena. Garoonka oo dhan wuxuu maray qiimaynta tashiilka tamarta oo loogu talagalay in dhismaha looga dhigo mid aad u waara kharashaadkiisuna ay hooseeyaan. Hase yeeshee, baaxadda mashruuca awgeed, qorsheynta ku kordhinta barxad baraf oo gudaha ah iyo horumarinada kale ayaa qaatay muddo ka dheer inti la filyay. “Shaqada Braemar Arena waa in ay socotaa iyadoo dhismaha uu weli furan yahay oo ay adeegsan karaan dadweynaha, taasoo xoogaa adkaynaysa,” Finberg ayay tiri. Si aad ula socoto akhbaaraha mashaariicda lagu maalgeliyo canshuurta gadida xulashada maxalliga ah iyo canshuurta isticmaalka ee Edina, booqo BetterTogetherEdina.org/Parks. Mashaariicda Beeraha Nasiinada & Tamashleynta Waxaa Horay u Sii Wada Maalgelinta Canshuurta Gadida Dayactiro ayaa ka socda Braemar Park; Fred Richards Park iyo Braemar Arena ee Loo Qorsheeyay Horumarin Ballaaran Iyadoo ay ugu wacan tahay u dhawaanshaha garoomada baseball-ka, nakhshadda garoonka Courtney Fields waxay lahayd baahi gaar ah: waaritaan iyo adkaansho lagu xamilo boolasha kabaha. (Sawirka Glenn Gray) 4 Saldhiga Dabdemiska 2aad ee cusub ee kuyaalla 4401 W. 76th St. wuxuu dhismo ku socday muddo wax yar ka badan hal sano. Qaybo badan waa la dhammeystiray waxaana socota shaqada gudaha. Dhismaha waxaa la qorsheeyay in la furo dabayaaqada sanadkan. (Sawir Fayl) WAXAA QORTAY KATE HEIMEL Dhismaha Saldhiga Dabdemiska 2aad ee cusub ayaa socda iyadoo la qorshaynayo in la furo dabayaaqada sanadkan. Mashruuca $48.1 milyan ah wuxuu ku yaalaa 4401 W. 76th St. ee Aagga Southdale-Weynta. Wuxuu beddeli doonaa Saldhiga Dabdemiska 2aad ee hadda ku yaalla York Avenue wuxuuna bixin doonaa boosas waawayn oo loogu talagalay shaqaalaha, qalabka iyo adeegsiga bulshada. Maareeyaha Tas-hiilaadka Derik Otten iyo Maamulaha Caafimaadka Bulshada Jeff Brown ayaa ka jawaabay su’aalaha guud ee ku saabsan xarunta cusub. Maxaa keenaya kharashka badan ee Saldhiga Dabdemiska 2aad ee cusub? Otten: Qayb wayn oo ka mid ah kharashka mashruuca ee Saldhiga Dabdemiska 2aad waxay ahayd in lagu hanto dhulka. Magaaladu waxay dib-u-eegis ku samaysay goobo badan oo la heli karay waxayna go'aamisay in baaxadda, goobta iyo helitaanka goobtu ay ku habboon tahay inay u adeegto qaybta koonfureed ee magaalada. Magaalada waxay $15.4 milyan ka bixisay dhulka. Inta soo hartay ee kharashaadka, waxaan aragnay koror ku yimid kharashaadka dhismeyaasha loo adeegsado xarumaha adeegyada gurmadka degdegga ah. Tani waxaa inta badan ugu wacan qaabka dhismaha, iyo sidoo kale xaqiiqada ah inay hawlgalaan 24/7 oo ay leeyihiin shaqaale dhex deggan. Tani waxay u baahan tahay dhismaha inuu u shaqeeyo sidi geerish, goob xafiis iyo meelo lagu nool yahay oo dhammaantood hal meel ah. Sidee lagu bixinayaa kharashka Saldhiga Dabdemiska 2aad ee cusub? Otten: Magaaladu waxay bixisay labo lacago curaar ah sanadyadi 2022-2023 iyo 2024 si loogu daboolo kharashaadka mashruuca. Lacag kale oo curaar ah waxaa la bixin doonaa xagaaga. Marka laga yimaado lacagaha curaarta ah ee ay Magaaladu isticmaashay, qayb waxaa maalgelinaya lacagaha curaarta ah ee uu Gobolku bixiyo iyo Sanduuqa Ilaalinta iyo Waaritaanka Edina (CAS). Lacagta Curaarta Gobolka waa $1 milyan. Ugu yaraan $200,000 oo lacagaha CAS ah ayaa loo isticmaali doonaa in kor loogu qaado nidaamka soolarka dhismaha. Maadaama kani yahay dhismo ay magaaladu maamusho, canshuur celino dhawr ah iyo ka dhaafitaano ayaa sidoo kale caawiyey in la xaddido wadarta kharashka guud. Waa maxay sifooyinka waaritaanka ee Saldhiga Dabdemiska 2aad ee cusub uu yeelan doono ee ka caawin kara inay lacagta tashiilaan? Otten: Dhismahani waa xarunti ugu horraysay ee Magaalada ee lagu nakhshadeeyo iyadoo la isticmaalayo Tilmaamaha Dhismaha Cagaaran ee Gudaha. Samaynta sidaasi, nakhshaddu waxay awooday inay saarto 90-95% oo ka mid ah dhammaan isticmaalka gaaska dabiiciga ah ee dhismaha. Nidaamyada kulaylinta iyo qaboojinta waa kuwo koronto ku shaqeeyo, oo inta badan nidaamyada waxaa dabsiiya nidaam wayn oo dabka ka dhaliya dhulka hoose. Dhanka korontada, soolaro la isku taxay ayaa qaban doona qayb wayn oo ka mid ah korontada looga baahan yahay dhismaha. Marka laga yimaado bixinadaan, Magaalada waxay ku dirqisay kooxda nakhshadda inay kulaylinta iyo qaboojinta dabiiciga ah ku daraan nakhshadda. Waa maxay sifooyinka kale ee uu yeelan doono Saldhiga Dabdemiska 2aad ee cusub? Otten: Iyadoo ujeedada koowaad ay noqon doonto in la dejiyo qayb ka mid ah Waaxda Dabdemiska, goobta xafiiska waxaa sidoo kale ka mid ah qol loogu talagalay shaqaalaha Caafimaadka Dadweynaha ee sida kumeelgaarka ah uga shaqaynaya dibedda Saldhiga Dabdemiska 1aad. Bulshadu waxay awoodi doontaa inay isticmaasho qolalka shirarka iyo goob lagu kulmo oo qaadi doonta ilaa 100 qof waxayna isku cabbir yihiin Rugta Golaha ee Hoolka Magaalada Edina. Waxaa la wadaa qorsheyaasha sida goobahani loo qabsan doono. Sidee ayay boos ku yeelashada Saldhiga Dabdemiska 2aad ee cusub ugu oggolaan doontaa Waaxda Caafimaadka Dadweynaha inay qabato waxyaabo ay qaban wayday waagi hore? Brown: Saldhiga dabdemiska ee cusub wuxuu u dhow yahay qaar badan oo ka mid ah ganacsiyada aan shatiga siin doono oo aan kormeeri doono, iyadoo intooda badan ay ku yaallaan aagga Southdale. Wuxuu sidoo kale aad ugu dhawaan doonaa dadka deggan magaalada ee u baahan kara inay marin u helaan adeegyada caafimaadka dadweynaha, waxaana boos ku darnay dhismaha cusub si aan u sahalno bixinta Saldhiga Dabdemiska 2aad ee Cusub. Sii Kala Qaybinta Kharashka, Maalgelinta iyo Sifooyinka Shaqaaluhu Waxay Aragti Faahfaahsan Ka Bixiyeen Xarunta Gurmadka Degdegga ah ee Cusub ee Magaalada adeegyadaas iyadoo lala kaashanayo Waaxda Caafimaadka Dadweynaha ee Bloomington. Waxaan rajaynaynaa inaan marin-u-hel wanaagsan siino kuwa u baahan adeegyada anagoo ku siinayno gudaha Edina beddelki ay u safri lahaayeen koonfurta Bloomington si ay u helaan. Fikradani waxay ku jirtaa marxaladihi ugu horreeyay waxaana loo shaandhayn doonaa loona meelmarin doonaa hadba sida baahiyaha ay isu beddelaan, balse saldhigga cusub waxaa ku jiri doona boos lagu hirgeliyo. Maxay Waaxda Caafimaadka Dadweynaha ay hadda awoodi kartaa inay dadka deegaanka ku siiso booska cusub? Brown: Waxaan iskula dubaridaynaa oo aan la qorshaynaynaa Waaxda Caafimaadka Dadweynaha ee Bloomington si aanu rugo caafimaad uga bixinno saldhigga. Kuwani waxay noqon karaan rugaha tallaalka hergabka, waxbarashada ama la tashiyada haweenka xaamilada ah iyo hooyooyinka cusub, ama barnaamijyo kale. Waxaanu eegi doonaa waxa si fudud looga yagleeli karo saldhiga cusub iyo sida loo shaacin karo adeegyada la heli karo. Waxaan rajaynaynaa in shaqaalaha Waaxda Caafimaadka Dadweynaha ee Bloomington ee adeegyada siiya dadka deggan Edina ee qandaraaska ku jira ay wakhti ku qaadan doonaan saldhiga cusub si ay aad ugu bartaan shaqaalaha Qaybta Caafimaadka Dadweynaha Edina iyo shaqaalaha Waaxda Dabdemiska si ay u dhiirigeliyaan iska kaashiga mashaariicda kale. Qaybta Caafimaadka waxay ku taalli doontaa afaafka dhismaha, marka gelitaanka dadka shakhsi ahaan u imanaya saldhigga ayaa fududaan doona. Dadka deegaanka waxaa lagu soo dhawaynayaa inay yimaadaan oo ay soo booqdaan marka aan u guurno! Wixii macluumaad dheeraad ah iyo warbixinada mashruuca, booqo BetterTogetherEdina.org/ Fire-Station-2. WARBIXIN SANADKA 5Magaalada Edina EdinaMN.gov WAXAA QORAY BRITTANY BADER Magaalada Edina waxay ka shaqaysay labo mashruuc oo dib-u-dhis waddo oo xaafada ah sanadki 2024: Concord B & C iyo Southdale B. Si wadajir ah, mashaariicda waxaa ka mid ah ku dhawaad saddex mayl oo waddo la hagaajiyay ah. Waxa Mashaariicda Ku Jiray •Dhammaan waddooyinka waxaa la saaray laammi •Intooda badan waxay heleen tuubo-gelin cusub iyo adeegyada biyaha, oo ay ku jiraan beddelista tuubooyinka wadada ee dabdemiska, meelaha laga furo tuubooyinka iyo tuubooyinka gaboobay, iyo ku kordhinta tuubooyinka wadada ee dabdemiska meeshi lagama maarmaan ah •Waxaa horumarino lagu sameeyay nidaamka bullaacada fayodhowrka, oo ay ku jiraan dayactirada meelaha tuubada ay ka hallaysan tahay iyo dahaarka gudaha tuubooyinka, iyo beddelista daboolada bullaacada iyo fadhiyada daboolada •Hagaajino ayaa lagu sameeyay marinka wadada iyo bulaacada biyaha si loo hagaajiyo biyo ka saarista, oo ay ku jirto rakibidda tuubada guriga salkiisa biyaha ka soo nuugta meeshi ay macquul tahay •Qarqarada iyo meelaha hoose ee shubka ah ayaa la beddelay Horumarinada lugaynta dadka ee labada mashruucba waxay taageerayaan yoolalka gaadiidka ee Magaalada si ay si wanaagsan isugu xiraan xaafadaha loogana dhigo kuwo sahlan oo badbaado u ah in lagu socdo ama baaskiil lagu wado. Concord B & C •Dhabbayaal dhinaca wadada ah oo shub ah oo 5-fiit-ballac ah oo ku yaalla Concord Avenue inta u dhaxeysa West 64th Street iyo Valley View Road iyo wadada Wooddale Avenue inta u dhaxeysa Garrison Lane iyo Valley View Road •Dariiq lagu socdo oo waddo shub ah oo 6-fiit-ballac ah oo ku yaalla Wooddale inta u dhaxeysa Nancy Lane iyo Garrison •Isku dhafka dariiq adeegsi la isla wadaago leh oo wadada ku yaallo kana baxsan oo 5- ilaa 8-fiit-ballac ah oo ku yaalla West 64th inta u dhaxeysa Concord iyo Rose Court Southdale B •Dhabbo dhinaca wadada ah oo shub ah oo 5-fiit-ballac ah oo ku yaalla Barrie Road, Heritage Drive iyo West 65th Street •La iskula dubariday mashruuca Southdale B, balse si gaar ah looga maalgeliyay Sanduuqa Badbaadada Dadka Lugaynaya iyo Baaskiillayda (PACS), in ka badan 20 meelood oo ay istaagaan basaska Metro Transit oo ku yaallo koonfur-beri Edina ayaa helay meelo cusub oo la heli karo oo uu istaago baska si ay u buuxiyaan heerarka Xeerka Ameerikaanka Naafada ah Maalgelinta Mashruuca Maalgelintu waxay ka imaanaysaa isku dhafka qiimeyno gaar ah, canshuuraha hantida maguurtada ah, Lacagaha Adeegyada Guryaha iyo Sanduuqa PACS. Lacagaha Adeegyada Guryaha waxaa caawiya khidmadda adeegga ee biilasha adeegyada guryaha ee Magaalada, iyo Sanduuqa PACS ee khidmadda oggolaanshaha ee biilasha gaaska iyo korontada. Sanadki 2021, Golaha Magaalada waxay ansixiyeen qaab maalgelin ah oo wajiyaysan si tartiib-tartiib ah si ay kharashka dib-u-dhiska qaybta wadada ee xaafadda loogu beddelo canshuuraha hantida maguurtada ah marka la gaaro 2036, halkaasoo taariikh ahaan gebi ahaan lagu maalgeliyo qiimaynada gaarka ah ee mulkiilayaasha hantida. Mashaariicda 2024, ku dhawaad 63.12% ka mid ah kharashaadka wadada waxaa lagu maalgeliyay qiimaynada gaarka ah, iyadoo 36.88% ay dabooleen canshuuraha hantida. Kharashaadka waxaa ka mid ah kharashyo aan toos ahayn sida injineerinka, maaliyadda iyo tijaabinta agabka. Dib-u-soo celinta u dambaysa ayaa sii socon doonta 2025. Xagga Concord B & C, tani waxaa ka mid ah dib-u-soo celinta xaqa dariiqa. Xagga Southdale B, tani waxaa ka mid ah horumarinada West 65th. Dhageysiga qiimaynta waxaa la qaban doonaa dabayaaqada sanadkan. Wixii macluumaad dheeraad ah, booqo BetterTogetherEdina.org. Mashaariicdi Wadada ee 2024 Waxay Kor u Qaadeen Waddooyinka Xaafadaha Concord iyo Southdale Ku Dhawaad Saddex Mayl oo Dib Loo Dhisay; Dhabbayaasha Dhinaca Wadada, Dariiq Ayaa Lagu Daray Si toos ah u daawo shirarka Golaha Deegaanka, Guriyeynta & Maamulka Dib-u-hormarinta iyo Guddida Qorshaynta: • Edina TV (Kanaalada Comcast 813 ama 16) • Facebook.com/EdinaMN • EdinaMN.gov/Meetings DHACDOOYINKA SOO NOQNOQDA Axadaha, Isniinaha iyo Arbacooyinka, 7 p.m. Riwaayado, Centennial Lakes Park Talaadooyinka iyo Khamiisaha, 10 a.m. Riwaayado, Centennial Lakes Park Talaadooyinka iyo Khamiisaha, 9-10:30 a.m. Kulmiska Farshaxanka ee Xarunta Farshaxanka Edina, Centennial Lakes Park Khamiista 3-7 .p.m. Suuqa Beeralayda, Centennial Lakes Park Khamiisaha laga bilaabo Juulaay 10, 9 a.m. Kalluumaysiga Bilaashka ah ee Khamiisaha ee Dhallaanka, Centennial Lakes Park DHACDOOYINKA SOO SOCDA Salaasa, Julaay 1, 7 p.m. Riwaayadda Rotary “Grooves & Foods”, “Mick Sterling’s A Billy Joel State of Mind,” Centennial Lakes Park Jimco, Juulaay 4 Maalinta Xorriyada, Xafiisyada Magaalada ayaa xiran Axad, Juulaay 4, 10 a.m. Isu Soo Baxa Edina ee 4-ta Juulaay, Ka Bilaabmaya Hoolka Magaalada Gadaashiisa Axad, Julaay 4, 8:30 p.m. Riwaayad iyo dabrid, Rosland Park Axad, Julaay 9, 5 p.m. Farshaxanka Wadajirka ah, Yorktown Park Khamiis, Julaay 10, 11-11:30 a.m. Wadahadalada Mashruuca Onlaynka Ah: Mashruuca isgoyska wadada isdulmarka ee Vernon Avenue & Highway 100; EdinaMN.gov/Highway100Talks Khamiis, Luuliyo 10, 3 p.m. Dhadhaminta Khamrada Luce Line, Edina Liquor – Southdale Sabti, Luuliyo 12, 9 a.m Gurista Geedaha Buckthorn ee Pamela Park, Pamela Park Salaasa, Julaay 15, 7 p.m. Shirka Golaha Deegaanka, Hoolka Magaalada Edina Khamiis, Luuliyo 17, 2-4:30 p.m. Hubinta Kursiga Baabuurka ee Bilaash ah, Saldhiga Dabdemiska 1aad Sabti, Luuliyo 19, 3:30 p.m. 56 Khamro Dhadhaminta, Edina Liquor – Grandview Axad, Julaay 23, 6 p.m. La Lugee Duqa Magaalada, Bredesen Park Khamiis, Julaay 24, 7:30 a.m. Shirka Hay'ada Guriyeynta & Dib U Hormarinta, Hoolka Magaalada Edina Khamiis, Julaay 24, 11-11:30 a.m. Wadahadalada Mashruuca Onlaynka Ah: Mashruuca isgoyska wadada isdulmarka ee Vernon Avenue & Highway 100; EdinaMN.gov/Highway100Talks Si aad u hesho liiska shirarka iyo dhacdooyinka oo dhameystiran, booqo EdinaMN.gov. Sheyga Isha Maalgelinta Concord B & C Southdale B Wadada Qiimeyn Gaar ah $1,871,800 $779,800 Wadada Canshuuraha Hantida $1,093,600 $455,600 Bullaacada Fayodhowrka Sanduuqa Adeegyada Guryaha $872,700 $616,600 Tuubada Biyaha ee Wayn Sanduuqa Adeegyada Guryaha $2,472,300 $901,800 Bullaacada Roobka Sanduuqa Adeegyada Guryaha $1,390,500 $1,049,200 Dhabbaha Dhinaca Wadada Sanduuqa PACS $283,000 $269,300 Shaqada Dhiman 2025 Shaqada ka dhiman Southdale B waxaa ka mid ah kharashaadka il kasta oo maalgelin. Qiyaasta $418,000 Wadarta Mashruuca:$7,983,900 $4,490,300 WARBIXIN SANADKA 6 Waxaa ku faahfaahsan garaafyada la bixiyay waa 2024 iyo 2023 wadarta dakhliyada iyo kharashaadka dhammaan lacagaha dowladda. Dakhliga waxaa lagu soo bandhigaa qayb (tusaale ahaan, Cashuuraha) kharashaadkana waxa lagu soo bandhigaa hawlo (tusaale, Dawladda Guud). Dhammaadka sanad xisaabeedka hadda socda, dakhliyada iyo kharashgarayntu waxay noqdeen $97.1M iyo $110M, siday u kala horreeyaan, oo ah hoos u dhac guud oo ku yimid haraaga sanduuqa oo dhan $12.8M ka hor ilaha kale ee maalgelinta (tusaale, Xawilaadaha, Curaarta La Bixiyay, iwm.). Dakhliga ayaa noqday 7%, ama $6.3M, kaasoo ka badan 2023. Kororka waxaa inta badan loo aanaynayaa canshuuraha kordhay ($4,604,871), qiimaynada gaarka ah ($1,151,953), ururinada canshuur kordhinta ($1,097,489), canshuurta gadida ee guud ($1,086,957), khidmadaha adeegyada ($848,026) iyo shatiyada iyo oggolaanshiyaasha ($294,385) waxaa qayb ahaan meesha ka saaraya hoos u dhaca dakhliga dawladaha dhexdooda ($1,571,059) iyo dakhliga kale ($1,150,909). Canshuuraha hantida ayaa kordhay iyadoo ay ugu wacan tahay kororka canshuur soo rogista hawlgalka guud taasoo bixisa maalgelin lagu sii wado heerarka adeegga ee jira. Canshuurta gadida ee guud ayaa korodhay iyadoo ay ugu wacan tahay canshuurta gadida ee maxalliga ah. Deeqaha raasamaalka ee kale iyo tabarucaadaha waxay kordheen $6,323,597 sanadki 2024. Khidmadaha adeegyada ayaa kordhay iyadoo ay ugu wacan tahay khidmadaha laga qaado qandaraasyada adeegga ee Waaxda Booliska iyo oggolaanshaha xaqa dariiqa ee ka socda mashruuca US Internet Corp. Kharashgaraynti 2024 ayaa noqotay 13%, ama $12.9M, taasoo ka badan 2023. Tani waxaa loo aanaynayaa $11.8M ee kororka ku yimid kharashgareynta Badbaadada Dadweynaha, taas oo ay keentay kharashgareyn raasamaal oo badan ($13.3M). Hawlaha Guud ayaa hoos u dhacay $2.8M ugu horrayn iyadoo ay ugu wacan tahay kharashgarayn raasamaal oo yar. Kharashgaraynta Waaxda Beeraha Nasiinada & Tamashleynta ee 2024 ayaa korodhay $5.1M, iyadoo ay ugu wacan tahay horumarinada raasamaalka. Kharashaadka adeegga deynta ayaa kordhay $503K maadaama aanay jirin curaaro hore oo dib loo bixiyay 2024. Lacagaha Dowladda Kharashaadka Sanduuqa Dowladda 2023 2024 Farqiga Dowladda Guud $21,903,233 $20,218,283 $1,684,950 Badbaadada Dadweynaha $31,938,035 $43,764,009 $11,825,974 Gaasimaha Hawlaha Guud $27,715,046 $24,882,110 $2,832,936 Xadiiqadaha iyo Madadaalada $8,071,113 $13,226,702 $5,155,589 Adeegga Daynta $7,471,875 $7,975,577 $503,702 Wadarta $97,099,302 $110,066,681 $12,967,379 $0 $10 $20 $40 $50 $30 Badbaadada Dadweynaha Xadiiqadaha iyo Madadaalada Dowladda Guud Shaqada Dadweynaha Adeegga DayntaMalaayiinIsbarbardhigga Kharashaadka Sanduuqa Dowlada 2023 2024 Isbarbardhigga Dakhliyada Sanduuqa DowladdaDakhliyada Sanduuqa Dowladda 2023 2024 Farqiga Canshuuraha $52,297,131 $56,902,002 $4,604,871 Kordhinta Canshuur Ururinta $2,078,687 $3,176,176 $1,097,489 Canshuurta Iibka Guud $5,450,871 $6,537,828 $1,086,957 Qiimeyn Gaar ah $3,609,885 $4,761,838 $1,151,953 Ruqsadaha iyo Oggolaanshaha $5,716,734 $6,011,119 $294,385 Dawlad-goboleed $7,718,968 $6,147,909 $1,571,059 Kharashka Adeegyada $7,121,548 $7,969,574 $848,026 Kuwa kale $6,823,160 $5,672,251 $1,150,909 Wadarta $90,816,984 $97,178,697 $6,361,713 $0 $10 $20 $30 $40 $50 $60 Kordhi nt a Ca ns h u ur Ur uri nt a Qiimey n G a ar a h Cansh u urt a Ii b k a G u u d Ruqsa d a h a & O g g ol a a ns h a h a Dawla d- g o b ol e e d Kharas h k a A d e e g y a d a Cansh u ur a haMalaayiin Kuwa k al e 2023 2024 WARBIXIN SANADKA 7Magaalada Edina EdinaMN.gov Golaha Magaalada Waxay Tixgelinayaan Curaarta Dhimista Canshuurta Si Ay Ugu Bixiso Qolka Bamka ee Xarunta Biyaha ee Cusub Ku dhawaad $9 Milyan oo Horumarino ah Ayaa Loo Baahday si Xaruntu u sii Shaqayso Magaaladu waxay tixgelinaysaa maalgelinta horumarinada aadka loogu baahan yahay ee guriga bamka la dhisay 1958 ee Xarunta Biyaha Edina. Guriga bamka barkadda dabbaasha ee hore wuxuu u baahan yahay in lagu beddelo qaab- dhismeed u hoggaansan Xeerka oo leh qalab bamgarayn oo casri ah, filtaro, awood koronto, iyo haan kaydisa sare u kaca biyaha. Kaabaha sii xumaanaya wuxuu keenayaa khataro hawlgal, walaacyo badbaado iyo arrimo ku aadan u hoggaansamidda, kuwaasoo ku qasbi kara xarunta inay xirmato haddii aan wax laga qaban. Toban maalmoood ka hor furitaanki la qorsheeyay ee Xarunta Biyaha Edina ee 2021, cillad farsamo ayaa dhacday. Maadaama nidaamyadu ay yihiin kuwo qadiimi ah, qaybo la soo isticmaalay ayaa la isticmaalay si ay u noqdaan xal ku meelgaar ah, taasoo u oggolaatay xarunta in dib loo furo. Sanadki 2024, Xarunta Biyaha waxay la kulantay maanso koronto oo joogta ah taasoo keentay dhibaatooyin hawlgal. “Shaqaaluhu waxay sameeyeen dayactiro kumeelgaar ah, balse waxay lumiyeen kalsoonidi ay ku qabeen awoodeena inaan joogtayno nidaam hawlgal iyadoo aan xal lahayn,” ayuu yiri Maareeyaha Tas-hiilaadka Derik Otten. “Xarunta Biyaha Edina waxay u badan tahay in aanay dib u furmi doonin haddii ay soo wajahdo cillad kale oo farsamo sida middi 2021.” Dhowrki sano ee la soo dhaafay, Qaybta Tas- hiilaadka Magaalada waxay dejisay qorsheyaal lagu dhisayo qol filtar ah oo cusub oo ku dheggan guriga bamka ee hadda. Wakhtiga ayaa ah waxa muhiimka ah, iyadoo dib-u- dhacyada wax ka qabashada dhibaatooyinkaan ay horseedi karaan inay ka sii darto, kharashaad dayactir oo badan iyo xirmashada suurtagalka ah ee xarunta. Shaqaaluhu waxay jeclaan lahaayeen inay dhismaha bilaabaan sanadkan si guriga bamka cusub loo dhammeystiro ka hor xilliga 2026. Magaalada waxay curaarta Gobolka u raadsatay mashruuca inti lagu jiray kalfadhiyadi sharci dejinta ee 2023 iyo 2025, balse ma aanay ku guulaysan. Curaarta Dawlada ee tas-hiilaadka madadaalada waa ay kooban tahay, suurtagalna ma noqonayso in la kordhiyo khidmadaha isticmaalaha si loogu maalgeliyo mashruuca wakhtiga lagama maarmaanka ah ama iyada oo aan la helin koror la taaban karo oo saameynaya awoodista. Waaxda Maaliyadda waxay soo jeedisay iibinta Curaarta Dhimista Canshuurta si ay ugu bixiso mashruuca lagu qiyaasay $9-ka milyan. Curaarta waxaa dib looga bixin lahaa dhimista canshuur soo rogista magaalada oo dhan ah muddo 15 sano ah. Canshuur soo rogista waxay ku koobnaan doontaa qadar la’eg canshuuraha Magaalada laga soo ururiyo meel cayiman oo ka kooban in ka badan 325 boos oo ku yaallo aagga la deggan yahay ee ku dheggan Xarunta Biyaha. Golaha Magaalada ayaa ku go’aansan doona kulankooda Juulaay 15 haddii curaarta dhimista canshuurta loo isticmaalayo in lagu maalgeliyo mashruuca. Haddii la ansixiyo, curaarta waxay u badan tahay in la iibiyo dabayaaqada sanadkan. Hawlaha kale bishii hore, Golahu: •Wuxuu ansixiyay qandaraas lala galayo Hennepin County si ay ula wareegto qiimaynta adeegyada Edina muddo aan ka dambayn Juulaay 1, 2026. Isbeddelka waxaa lagu qiyaasayaa inuu kharashgaraynta Magaalada ka dhimi doono qiyaasti $500,000 sanadka 2026—iyo $1 milyan sanad kasta laga bilaabo 2027. •Wuxuu ansixiyay dhismaha musqul cusub ee Godka 6 agtiisa ah ee Barxadda Goolofta ee Braemar. •Wuxuu oggolaaday shaqaalaha inay codsadaan deeq iyadoo loo marayo barnaamijka Shaqaale Ku Filan Jawaabta Gurmadka Dabka iyo Xaaladda Degdegga ee ay aasaaseen Waaxda Arimaha Gudaha iyo Wakaaladda Maaraynta Xaaladaha Degdega ah ee Federaalka. Saddex boqol oo deeqaha barnaamijka SAFER ah ayaa la bixin doonaa heer qaran. Qaatayaasha waxaa la filayaa in la doorto ugu dambayn Agos. 18. Goluhu wuxuu kulmi doonaa marka xigtaa 7 p.m. Talaado, Juulaay 15. Wixii macluumaad dheeraad ah, booqo EdinaMN.gov. - WAXA SOO URURISAY JENNIFER BENNEROTTE 952-927-8861 | mail@EdinaMN.govMagaalada Edina EdinaMN.gov8