The URL can be used to link to this page

Home My WebLink AboutEditionEdina_October-2025_Somali-WebGanacsiyada iyo Dawladaha Ayaa Sahminaya Hannaanka Ruqsad-bixinta Xashiishka ee Cusub Shan Tafaariiqlayda Xashiishka ah oo Diiwaangashan Ayaa Ka Wada Shaqeeyay Ka Furitaanka Edina WAXAA QORTAY CELESTE ECKSTEIN Shan tafaariiqlayda xashiishka ah ayaa ku guda jira inay helaan ruqsadahooda iyo diiwaangelintooda si ay ganacsi uga bilaabaan Edina. Sanadki 2023, Minnesota ayaa noqotay gobolki 23aad ee sharciyeeya isticmaalka xashiishka. Xafiiska Maamulka Xashiishka ee Minnesota (OCM) ayaa horraanti sanadkan bilaabay qabashada codsiyada ruqsadaha ganacsiga ee xashiishka. Dawladaha hoose wuxuu Gobolka uga baahan yahay inay ugu yaraan hal mehrad oo xashiishka lagu gado u oggolaadaan 12,500 qof ee kasta ee deegaanka ah. Golaha Deegaanka Edina wuxuu ansixiyay ugu badnaan shan mehradood oo diiwaangashan. Gudaha Edina, mehradaha waxaa loo diiwaangeliyaa sidi loo soo kala hormaro. Blue Flower Elegance, CRPRC, Green Tribe Movement, Pot Mama’s iyo The Holland-Minnesota ayaa bilaabay hannaanka diiwaangelinta. Labo kale ayaa ku jira liiska sugitaanka. Tafaariiqlayda danaynaysa inay dukaan ka furtaan Edina waa inay marka hore oggolaansho hore ka codsadaan OCM. Kadib marka ay helaan oggolaanshaha hore, waxay iska diiwaangelinayaan Magaalada Edina. Tafaariiqlayda kadib waa inay u hoggaansamaan soono-samaynta Magaalada, xeerarka dhismaha iyo dabka iyo dhammeystirka dhismaha. Kadib marka ay dhammeystiraan dhismaha oo ay xaqiijiyaan u hoggaansanaanta xeerarka, tafaariiqlayda waxay ku laabtaan OCM si ay u dhammaystiraan hannaanka ruqsad-bixinta. Xafiiska OCM wuxuu Magaalada ka xaqiijiyaa in tafaariiqlaha uu buuxiyay dhammaan shuruudaha soono-samaynta iyo dhismaha kadibna wuxuu sameeyaa kormeerka goobta. Haddii ay ku baasaan, tafaariiqlaha waxaa ruqsadiisa rasmiga ah laga siiyaa Gobolka. Marka tafaariiqlayda ay goobta furaan, waxay mari doonaan hubino ku aadan u hoggaansanaanta oo ay marin doonto Waaxda Booliska Edina si lamid ah sida ay sameeyaan tafaariiqlayda tubaakada iyo khamrada. Maamulaha Caafimaadka Bulshada Jeff Brown ayaa sheegay in hannaanada la marayo ay noqon doonaan kuwo la mid ah. Inkastoo dhammaan diiwaangelinada la sugayo oo aanay jirin tafaariiqlay wax ka furatay Edina muddo bilo ah, xashiishka ayaa dhawaan suuqa soo geli doona magaalooyinka kale. Legacy Cannabis ee ku taasha Duluth ayaa ahayd mid ka mid ah rugihi ugu horreeyay ee aan Cali Beesteenka ahayn ee gobolka albaabadooda ka furta. Maadaama ruqsad-bixinta tafaariiqlayda xashiishka uu yahay nidaam ku cusub Minnesota, magaalooyinka iyo mehradaha waxay isku mar baranayaan sida loo sahmiyo hannaanka. Wax Ka Aasaasaha iyo Madaxa Erin Pash ayaa sheegtay in Pot Mama’s ay qorshaynayso inay goobo badan ka furto Minnesota wakhti isku mid ah, magaalo kastana waxay leedahay hannaan gaar ah. “Waxaa jira waxyaabo badan oo ay tahay inaan raacno oo aan saxno, taasina waa inoo muhiim marka laga fiiriyo xagga u hoggaansanaanta,” Pash ayay tiri. “Waxaan hubinaynaa saddex jeer, anagoo geddinayna dhagax kasta si aan u xaqiijino inay wax kasta noo saxan yihiin ka hor inta aanan furan dukaan.” Pash waxay Pot Mama’s la aasaastay walaasheeda. Waxay arkeen fursad ay ku sameeyaan rug loogu talagalay qofkasta oo leh wax naadi bulsho ah gaar ahaan haweenka ka caga jiidi kara inay soo dhaweeyaan xashiishka ceebaynta bulshada darteed. Pot Mama’s waxay bixin doontaa waayo qofka u gaar ah; Pash waxay sheegtay in macaamiisha markoodi ugu horraysay ay u tahay ay ballan la yeelan doonaan shaqaalaha si ay u go’aamiyaan waxa ku habboon baahidooda. Waxayna rabaan inay sameeyaan deegaan soo dhawayn leh, jawi deggan ah oo ay bulshadu jihayso oo loogu talagalay qofkasta. Marki la dooranayay goobaha, Pash waxay sheegtay inay doorbideen xaafadaha nawaaxiga ah ee ay dadku ku il doogsan karaan bilicda. “Waan ogahay in magaalooyinkeena ay ka walaacsan yihiin lahaanshaha dukaamada xashiishka, waxayna ka walaacsan yihiin waxyaabaha ay la imaan rabaan ama inay dhibaato ka dhalato,” ayay tiri. “Waxaa jira waxyaabo badan oo ah xog khaldan iyo maangaabnimo. Dad badan waxay u malaynayaan inay noqon rabto boor wayn oo ay ilmahooda arki doonaan oo ay ku qoran tahay, ‘Daroogadaada ka hel halkan.’ Summadeenu waa cagsiga arrintaas.” Sida ay sheegtay Pash, Pot Mama’s waxay rajaynaysaa inay furaan ilaa dukaamada ugu badan ee suurtagalka ah marka la gaaro Jan. 1, 2026. Weli ma aysan go’aamin goobta dukaankooda Edina. Xeerarka soono-samaynta ee tafaariiqlayda xashiishka waa kuwo la mid ah kuwa tafaariiqlayda tubaakada iyo khamrada ee Edina. Waxaa loo oggolaan doonaa Degmooyinka Ganacsiyada Loo Qorsheeyay ee 1, 2 iyo 3, Degmada Horumarinta Isku Dhafan ee 6, iyo Horumarinta Qaybta Qorshaysan ee kasta ee oggolaanaya adeegsiga degmooyinka Ganacsiga Loo Qorsheeyay. Waxaa si shuruudaysan loogu oggolaaday Degmooyinka Ganacsiyada Loo Qorsheeyay ee 3, 4 iyo 5. Si aad u aragto qariiradda soono-samaynta Edina, booqo bit.ly/EdinaZoningMap. Si aad waxbadan uga ogaato ruqsad-bixinta xashiishka ee Edina, booqo bit.ly/EdinaCannabisLicenses. Inkastoo aanay jirin tafaariiqlay wax ka furatay Edina muddo bilo ah, xashiishka ayaa dhawaan suuqa soo geli doona magaalooyinka kale. Legacy Cannabis ee ku taasha Duluth ayaa ahayd mid ka mid ah rugihi ugu horreeyay ee aan Cali Beesteenka ahayn ee gobolka albaabadooda ka furta. (Sawirka Kaitlin Olson) Magaalada Edina EdinaMN.gov 1 OKTOOBAR 2025 Majalada 12, Qeybta 10Aasaaska XooganHIMILOOYINKA MAGAALADA Ku wanaagsan wadajirkaAdeeg La isku halayn karo Magaalo lagu Noolaan karo Daabacaad: Edina WAXAA QORTAY KAYLA NORTHWAY In ka badan 20 sano, Rob Laughlin ayaa soo ahaa Madaxa Sunburst Chemicals, oo ah shirkad samaysa kiimikada oo ku taasho Bloomington, Minnesota, marka hal ama labo wax ayuu ka garanayaa ganacsiga. Marki Sanduuqa Kahortagga Dembiyada ee Edina loo dhiibayay hoggaan cusub horraanti sanadkan, Laughlin kama uusan laba-labayn inuu adeegsado khibradiisa ganacsiga oo, isagoo taageero ka helayo Guddiga Agaasimayaasha, wuxuu jagadiisa cusub ee Madaxwaynaha la wareegay bishi Juun. “Rob waa hoggaan guulo ka soo hooyay ganacsigiisa wuxuuna Guddiga ka mid ahaa in muddo ah,” ayuu yiri Madaxa Booliska Todd Milburn. “Waa mid aad u deggan oo qonyor socod ah, waana nin aad u garasho badan oo caaqil ku ah waxa uu qabanayo. Wuu ka soo dhalaali doonaa jagadiisa cusub xirfadahaas dartood.” Xubnaha kale ee kooxda fulinta waxaa ka mid ah Madaxweyne Ku Xigeenka Mary Brindle, Khasnajiga Shelly Loberg iyo Xoghaye Carolyn Jackson. Iyadoo wadar ahaan uu ka kooban yahay 10 xubnood, Guddiga waxaa sidoo kale ka mid ah dadka deggan Edina, Milburn iyo Madaxa Dabdemiska Andrew Slama. La aasaasay sanadki 1970 si loogu qaaraamo lacag lagu bixiyo abaalmarino si looga caawiyo Booliska Edina inay xalliyaan dembiyada, ururka wuxuu kobciyay taageeradiisa dhinacyada kale ee shaqada booliska. Ayaantaan dambe, Sanduuqa Kahortagga Dembiyada ee Edina ayaa ballaartay si loogu soo daro dhammaan Laughlin Ayaa Loo Magacaabay Madaxa Sanduuqa Kahortagga Dembiyada ee Edina Qaybta Aan Macaash-doonka Ahayn Ayaa Taageertay Waaxaha Booliska iyo Dabdemiska Labadaba - WAXAA ISKU DUBARIDAY LAUREN SIEBENALER Waaxda Dabdemiska ee Edina waxay martigelin doontaa Xaflad Gaar u ah Saldhigga iyo Booqasho Dadwaynaha u Furan 4-8 p.m. Khamiis, Okt 30, si loogu maamuuso furitaanka Saldhigga Dabdemiska 2, 4401 W. 76th St., iyo Bisha Ka-hortagga Dabka. Xafladda Gaarka u ah Saldhigga waxay dhici doontaa 4 p.m., iyadoo booqasho dadwaynaha u furan ay ku xigi doonto. Soo booqo booqashada dadwaynaha u furan si aad u aragto saldhigga dabdemiska ee cusub, uga barato xoogaa talooyinka ka-hortagga dabka, ugana qaybqaadato hawlo madadaalo ah. Waxbadan oo ku saabsan Waaxda Dabdemiska Edina ka ogow barta EdinaMN.gov/Fire. TIRO AHAAN Saldhiga Dabdemiska 2aad ee Edina shaqaalaha gurmadka koowaad, iyadoo Slama lagu soo daray Guddiga Agaasimeyaasha qiyaasti labo sano ka hor. Mustaqbalka dhow, Sanduuqu wuxuu qorshaynayaa inuu magaciisa u beddelo “Sanduuqa Shaqaalaha Gurmadka Koowaad” si uu uga tarjumo isbeddelkan. “Waxaan rajaynayaa inaan taageero siino Shaqaalaha Gurmadka Caafimaadka/Dabdemiska sida Sanduuqa uu u taageeray Booliskeena sanadahaan oo dhan,” ayuu yiri Jackson. Ka ahaan urur aan macaash-doon ahayn, Sanduuqa Kahortagga Dembiyada ee Edina wuxuu ku tiirsan yahay deeqaha bulshada waana mid aad wax ugu tabaruco adeegyo iyo barnaamijyo badan oo ay qabtaan shaqaalaha gurmadka koowaad, oo ay ku jiraan hindiseyaasha badqabka ee shaqaalaha Booliska; barnaamijyada eeyaha K-9; mahadnaqa shaqaalaha Gurmadka Caafimaadka/Dabdemiska iyo barnaamijka Waaxda Dabdemiska ee Yaraynta Khatarta Bulshada, oo ah xeelad looga hortago dabka. Sanduuqa Kahortagga Dembiyada wuxuu sidoo kale qarashkooda bixiyaa qalabka qaar, sida aaladaha akhriya taarikada baabuurta ee Waaxda Booliska. “Waa shaqo aad ugu adag oo dhib ku ah shaqaalaheena gurmadka koowaad, marka inuu soo baxo ururkan oo kale oo uu maalgeliyo qalab kala duwan ama uu taageero hindiseyaasheena badqabka waxay xaqiiqatan caawinaysaa xaqiijinta inaan haysano shaqaalaha ugu fiican, ee aadka u diyaarsan oo u adeega bulshadeena,” ayuu yiri Milburn. Rob Laughlin wuxuu hayn doonaa jagada Madaxwaynaha Sanduuqa Kahortagga Dembiyada ee Edina muddo xileed hal sano ah, taasoo Guddiga uu u codayn karo dib ugu doorashada muddo xileed kale. (Sawirka waxaa qaaday Jason Heuer) Madaxyo biyo firdhin oo ilaalinayo Saldhiga Dabdemiska 2 ee cusub 402 Fiit oo Laba Jibbaaran oo ku yaallo Saldhiga Dabdemiska 2 36,000 Albaabo garaash ayaa ku yaalla Saldhiga Dabdemiska 2 ee cusub 9 Tiirar oo degdeg loogu soo dago 2 Qolal lagu shiro oo loogu talagalay shaqaalaha iyo adeegsiga dadwaynaha 2 Shaqaale Dabdemis iyo Caafimaad ayaa ka shaqeeya Saldhiga Dabdemiska 2 11 2 Si toos ah u daawo shirarka Golaha Deegaanka, Guriyeynta & Maamulka Dib-u-horumarinta iyo Guddiga Qorshaynta: • Edina TV (Kanaalada Comcast 813 ama 16) • EdinaMN.gov/Meetings DHACDOOYINKA SOO SOCDA Khamiis, Oktoobar 2, 11-11:30 a.m. Wadahadalada Mashruuca Onlaynka Ah: Mashruuca isgoyska wadada isdulmarka ee Vernon Avenue & Highway 100; EdinaMN.gov/Highway100Talks Khamiis, Oktoobar 2, 3-7 p.m. Suuqa Beeralayda, Centennial Lakes Park Khamiis, Oktoobar 2, 6 p.m. Sawyer’s Dream, Edinborough Park Sabti, Oktoobar 4, 10 a.m.- duhurki Feestada Dayrta, 50th & France Sabti, Oktoobar 4, 3 p.m. Dhadhaminta Khamriga Insight Brewing iyo THC-da Aan Daroogada Lahayn, Edina Liquor -- Grandview Talaado, Oktoobar 7, 7 p.m. Shirka Golaha Deegaanka, Hoolka Magaalada Edina Arbacada, Oktoobar 8, 7 p.m. Dooda Magaalada ee ku saabsan Guriyaynta La Awoodi Karo, Onlayn Khamiis, Oktoobar 9, 6:30 p.m. Fiiqsiga Saqarjaanimada - Dhadhaminta Khamriyada Mushakalka ah ee Halloween ee Du Nord Social Spirits, Centennial Lakes Park Jimco, Oktoobar 10, 5 p.m. Cawayska filimka, “In The Heights,” Edinborough Park Axad, Oktoobar 12, 2-4 p.m. Isdhaafsiga Dharka Halloween, Xarunta Waayeelada Edina Axad, Oktoobar 12, 6 p.m. Kooxda Walker Brothers Band, Edinborough Park Khamiis, Oktoobar 16, 7:30 a.m. Shirka Hay'ada Guriyeynta & Dib U Horumarinta, Hoolka Magaalada Edina Sabti, Oktoobar. 18, 9 a.m. La Lugee Duqa Magaalada, Goobta La Go’aamin Doono Arbacada, Oktoobar 22, 7 p.m. Shirka Golaha Deegaanka, Hoolka Magaalada Edina Jimco, Oktoobar 24, 4-5:30 p.m. ama 6-7:30 p.m. Halloboo, Edinborough Park Sabti, Oktoobar 25, 10 a.m. Cawayska Bilaashka ah, “Hotel Transylvania 2,” Tiyaatarka Edina Sabti, Oktoobar 25, 11 a.m.-1 p.m. Xujo-ama-Wax bixi, ka dhaceysa 50th & France Khamiis, Oktoobar 30, 7:30 a.m. Shirka Hay'ada Guriyeynta & Dib U Horumarinta, Hoolka Magaalada Edina Khamiis, Oktoobar 30, 11-11:30 a.m. Wadahadalada Mashruuca Onlaynka Ah: Mashruuca isgoyska wadada isdulmarka ee Vernon Avenue & Highway 100; EdinaMN.gov/Highway100Talks Laughlin Ayaa Loo Magacaabay Madaxa Sanduuqa Kahortagga Dembiyada ee Edina Qaybta Aan Macaash-doonka Ahayn Ayaa Taageertay Waaxaha Booliska iyo Dabdemiska Labadaba Si aad u hesho liiska shirarka iyo dhacdooyinka oo dhameystiran, booqo EdinaMN.gov. Si lacag loo ururiyo, Sanduuqu wuxuu martigeliyaa dhacdooyin badan sanadka oo dhan wuxuuna diraa wargeysyo si xubnaha bulshada uu fursad ugu siiyo inay wax ka ogaadaan waxna ugu deeqaan Sanduuqa. La martigeliyay horraanti Sibteembar, xafladda Fall into the Arts Festival waa mid ka mid ah dhacdooyinka waawayn ee Sanduuqa uu qabto waana mid ka mid ah mashaariicdi ugu horreeyay ee Laughlin uu Madaxa ka soo noqday. Iyadoo dhowr bilood oo kaliya uu hayo jagada, Laughlin wuxuu weli la qabsanayaa jagadiisa cusub, balse barashada Edina waa wax uusan u baahnayn inuu ka walwalo. Laughlin wuxuu ku soo koray Edina ka hor inta uusan dhigan Jaamacadda Wisconsin-Madison, isagoo ka qaatay shahaadada Dhaqaalaha. Kadib marki uu Eden Prairie ku noolaa muddo dhowr sano ah, wuxuu ku soo laabtay Edina halkaasoo hadda uu ku soo noolaa sanado badan. Iyadoo waaxaha Booliska iyo Dabdemiska ee Edina ay wajahayaan caqabado maalgelineed, haysashada kheyraad dheeraad ah iyo taageero bulsho oo laga helo Sanduuqa Kahortagga Dembiyada ee Edina ayaa ah tii abid ugu muhiimsanayd. Jagadiisa cusub ee Madaxwaynaha, Laughlin waxa uu aad u jecel yahay in uu xaqiijiyo in ururku yeesho qaab-dhismeed wanaagsan, oo waara kaas oo ka caawin doona in uu mustaqbalka horumar gaaro. “Waxay ila tahay hadafku inuu meel fiican uu marayo waxaana helnay koox dad ah oo wanaagsan, marka waan ku faraxsanahay mustaqbalka,” ayuu yiri Laughlin, kaasoo marki ugu horraysay ku biiray Guddiga Sanduuqa Kahortagga Dembiyada sanadki 2020. Kooxda fulinta waxay sidoo kale ku faraxsan tahay mustaqbalka hoggaanka Laughlin. “Iyadoo Kahortagga Dembiyada ee Edina ay eegayso magaca dhawaan loo bixiyay ee cusub ee Sanduuqa Shaqaalaha Gurmadka Koowaad ee Edina … waxaan isku adkaynaynaa hoggaan cusub,” Brindle ayuu yiri. “Rob Laughlin waa hogaamiye la soo tijaabiyay oo bixiya tilmaamo cad si uu nooga caawiyo u adeegida bulshadan balaaran ee ah xirfadlayaasha badbaadada dadweynaha. Waxaan ku faraxsanahay waxa inaga horreeya waxaana ku casuumaynaa bulshada inay sii waddo inay nagala qaybqaadato taageerada adag ee shaqaalaha gurmadka koowaad ee Edina kuwaasoo ilaaliya badbaadada iyo amniga dhammaanteen.” Wixi macluumaad dheeraad ah ee ku saabsan Sanduuqa Kahortagga Dembiyada ee Edina, booqo EdinaCrimeFund.org. Wax Ugu Deeq Sanduuqa Kahortagga Dembiyada ee Edina Booqo webseedka Sanduuqa Kahortagga Dembiyada ee Edina barta EdinaCrimeFund.org. Dooro “Donate (Deeq Bixi)” ee ku taasha liiska kore, kadibna riix badhanka jaallaha ah ee “Donate” ee ku yaalla xagga hoose ee bogga. Ku qor deeqda aad rabto inaad bixiso oo dooro inaad jeclaan lahayd inaad daboosho khidmadaha deeqda ama aad ka dhigto deeq bille ah. Dooro habkaaga lacag bixinta – PayPal, kaarka dhebitka ama kiridhitka – oo raac tilmaamaha shaashada kaaga soo baxayo si aad u dhammeystirto deeqdaada canshuurta laga jari karo. Jeegaga waxaa sidoo kale boosto loogu diri karaa Edina Crime Prevention Fund (Sanduuqa Kahortagga Dembiyada ee Edina) ciwaanka 4801 W. 50th St., Edina, MN 55424. 3Magaalada Edina EdinaMN.gov Edina.As a banker, I know its value. As a resident, I know its worth. Marcia May NMLS #452543 Senior Mortgage Loan Officer 952.905.5741 mmay@bell.bank marciamay.net MRK-2753 Golaha Deegaanka Ayaa Dejiyay Canshuur Soo Rogisti Ugu Badnayd ee 2026 Canshuur Soo Rogista Ayaa Keenaysa 12 ama Ka Badan oo ah Shaqaalaha Gurmadka Caafimaadka/Dabdemis Golaha Deegaanka Edina wuxuu canshuur soo rogisti ugu badnayd u dejiyay 2026, balse waxay ka shaqayn doonaan sidi ay u yarayn lahaayeen kahor inta aan la ansixin miisaaniyadda. Shaqada miisaaniyadda 2026-2027 waxay bilaabatay horraanti sanadkan. Kooxda Hoggaanka Fulinta ee Magaalada iyo Golaha Deegaanka ayaa kulmay Febraayo si ay u baaraan baaxadda adeegyada dowladda hoose. Shaqo ayaa laga sii waday shirwaynaha sanadlaha ah ee Golaha Deegaanka bishi Maarso, halkaasoo Goluhu ay si ballaaran uga hadleen heerarka adeegyada, kharashaadka raasamaalka iyo jaantuuska canshuur ku soo rogista hantida ma guurtada ah. Bishi May, Goluhu wuxuu kulmay labo jeer si uu uga sii hadlo faahfaahino dheeraad ah oo la xiriira miisaaniyadda. Doodahaan, Xubnaha Golaha waxay amarro siiyeen shaqaalaha oo ku saabsan xulashooyinkooda wadareed ee miisaaniyadda 2026: •Xaddidista wadarta kordhinta canshuur ku soo rogista hantida oo lagu xaddido wax ka yar 10%. •Sii waditaanka kobcinta adeegyada badbaadada dadweynaha ee Magaalada, gaar ahaan Adeegyada Caafimaadka Degdegga ah. •Sahminta in adeegyada qiimaynta lagu wareejiyo Hennepin County. •Marka laga yimaado qiimaynta dibedda iyo adeegyada badbaadada dadwaynaha, la sii wado heerarka adeegga hadda jira. •Raadinta xulashooyin kale oo dakhli. Xeeladaha Maareeyaha Magaalada Scott Neal inti lagu jiray geedi socodka miisaaniyadda waxaa ka mid ahaa: •Ku xaddidista kobaca miisaaniyadaha waaxda wax ka yar 3%. •Dhimista shaqaalaha. Lix shaqaale wakhti buuxa shaqeeya oo ka tirsan Qaybta Qiimaynta iyo hal shaqaale wakhti buuxa shaqeeya oo ka tirsan Dayactirka Raxanta Baabuurta ayaa laga jaray miisaaniyadda. •Kordhinta khidmadaha oggolaanshaha bixinta adeegyada guryaha si loogu beddelo daynta canshuuro ku rogista hantida ma guurtada ah si loogu bixiyo mashaariicda dib-u-dhiska waddooyinka ee mustaqbalka. •Abaabulidda kharashaadka raasamaalka si mudnaan loo kala siiyo looguna toosiyo canshuuro ku rogista hantida ee la heli karo. •Si xulasho ah oo loo reebo boosaska bannaan qaarkood si lacag loo badbaadiyo. •Hagaajinta kharashgaraynta adeegga daynta sanadlaha ah ee Magaalada si loogu suurogaliyo Magaalada inay qaadato adeeg dayn ah oo cusub oo loogu talagalay Saldhiga Dabdemiska 2. Goluhu wuxuu ugu dambaynti ansixiyay heerka canshuurta ugu badan oo dhan $65,517,752 sanadka 2026, taasoo ah koror dhan 11.03%. Kororka waxaa ka mid ah ku kordhinta 12 Shaqaalaha Gurmadka Caafimaadka/Dabdemis ah oo cusub, taasoo u ogolaanaysa Waaxda Dabdemiska ee Edina in ay hawlgeliso saddex ambalaas ah saacad kasta si ka badan inta ay maanta awooddo. Soo jeedinta Neal ee miisaaniyadda waxaa ka mid ah lix Shaqaalaha Gurmadka Caafimaadka/ Dabdemis ah oo cusub. Magaalada waxay codsatay deeq federaal oo ay ku bixiso mushaaraadka 12 Shaqaalaha Gurmadka Caafimaadka/Dabdemis ah oo cusub muddo saddex sano ah. Maadaama Magaalada aan la siin deeqda, balse ay haysatay wakhti kama dambays ah oo ay canshuur soo rogista ugu badan u sheegto Hennepin County ka hor dhammaadka Sibteembar, Goluhu wuxuu canshuurta ka kordhiyay inti uu Neal soo jeediyay. Haddii Magaaladu ay hesho deeqda, Xubnaha Golaha waxay tilmaameen inay yarayn doonaan canshuur soo rogista marka ay miisaaniyadda meel marinayaan dabayaaqada sanadkan. Haddii Magaaladu aanay helin, Xubnaha qaarkood waxay sheegeen inay jeclaan lahaayeen inay sahmiyaan dhimisyo kale si ay u xaqiijiyaan in uusan jirin koror canshuur soo rogis oo labo lambar ah. Golaha Deegaanka waxaa lagu wadaa inuu qabto dhagaysi dadwayne oo ku saabsan miisaaniyadda la soo jeediyay marka ay tahay 7 p.m. Talaado, Diseembar 2. Wixii macluumaad dheeraad ah, booqo EdinaMN.gov. – WAXAA ISKU DUBARIDAY JENNIFER BENNEROTTE Qodobbada Ugu Muhiimsan ee Miisaaniyadda 2026-2027 ee La Soo Jeediyay •Adeegga daynta ee Saldhiga Dabdemiska 2aad ee cusub, qol sifayn ah oo ku yaalla Xarunta Biyaha Edina iyo Wadada Isdulmarka ah ee Vernon Avenue & Highway 100 •12 Shaqaale Gurmad Caafimaad/Dabdemis (18 haddii Magaaladu hesho deeq federaal) •Lacag baaqanayso adeegyada qiimaynta oo lagu wareejiyo Hennepin County •Cusboonaysiimaha Qorshaha Dhammeystiran ee 2050 •Iskaashiyada badbaadada dadwaynaha ee lala leeyahay Hennepin County oo horay loogu maalgeliyay Gargaarka Badbaadada Dadweynaha, oo ay ku jiraan Iskaashiga Booliska Bulshada ee Wadajirka ah iyo barnaamijka shaqaalaha bulshada •Maalgelinada raasamaalka iyo qalabka istaraatiijiga ah 952-927-8861 | mail@EdinaMN.govMagaalada Edina EdinaMN.gov4